സെൻട്രൽ ബാങ്കിൽനിന്ന്​ സ്വർണം തട്ടിയെടുക്കാൻ ശ്രമിച്ച രണ്ടുപേർക്ക്​ തടവ്​

അബൂദബി: യു.എ.ഇ സെൻട്രൽ ബാങ്കിൽനിന്ന്​ അഞ്ച്​ സ്വർണപെട്ടികൾ തട്ടിയെടുക്കാൻ ശ്രമിച്ച രണ്ടുപർക്ക്​ മൂന്ന്​ വർഷം വീതം തടവ്​. ഇറാൻ പൗരന്മാർക്കാണ്​ അബൂദബി പ്രാഥമിക കോടതി ജയിൽശിക്ഷ വിധിച്ചത്​. 
മൂന്നുപേർ യു.എ.ഇ സെൻട്രൽ ബാങ്കിലെത്തി വ്യാജരേഖകൾ സമർപ്പിച്ച്​ തങ്ങൾ സ്വർണത്തി​​െൻറ അഞ്ച്​ പെട്ടികൾ നിക്ഷേപിച്ചിട്ടുണ്ടെന്നും അത്​ തിരിച്ചെടുക്കാൻ ഉദ്ദേശിക്കുന്നുവെന്നും അറിയിച്ചാണ്​ തട്ടിപ്പിന്​ ശ്രമിച്ചത്​. രേഖകൾ ഉറപ്പാക്കുന്നതിനായി ബാങ്ക്​ ഉദ്യോഗസ്​ഥർ ഇവരോട്​ കാത്തിരിക്കാൻ പറഞ്ഞു. എന്നാൽ, രേഖകൾ വ്യാജമാണെന്ന്​ ബോധ്യപ്പെട്ടതോടെ സുരക്ഷാ ഉദ്യോഗസ്​ഥരെ വിവരമറിയിച്ച്​ അറസ്​റ്റ്​ ​െചയ്യുകയായിരുന്നു. വ്യാജ രേഖകൾ ചമച്ചതിനും സെൻട്രൽ ബാങ്കിൽനിന്ന്​ സ്വർണം തട്ടിയെടുക്കാൻ ശ്രമിച്ചതിനും പ്രോസിക്യൂഷൻ പ്രതികൾക്കെതിരെ കേസെടുത്തു. 
എന്നാൽ, വിചാരണയിൽ പ്രതികൾ കുറ്റം നിഷേധിച്ചു. ഇറാനിൽനിന്ന്​ ഒരാളാണ്​ രേഖകൾ അയച്ചതെന്നും ഇവ കാണിച്ചാൽ അയാളുടെ പേരിൽ സെൻട്രൽ ബാങ്കിൽനിന്ന്​ സ്വർണം ലഭിക്കുമെന്നാണ്​ അറിയിച്ചതെന്നുമാണ്​ പ്രതികളിൽ രണ്ടുപേർ കോടതിയെ അറിയിച്ചത്​. രേഖകൾ കൃത്രിമമായി നിർമിച്ചതാണെന്ന്​ അറിയില്ലായിരുന്നുവെന്നും അവർ പറഞ്ഞു. ഇവർ രണ്ടുപേർക്കും ഇംഗ്ലീഷോ അറബിയോ വശമില്ലാത്തതിനാൽ അവരെ സഹായിക്കാനാണ്​ താൻ ബാങ്കിൽ വന്നതെന്ന്​ മൂന്നാമൻ കോടതിയെ അറിയിച്ചു. 14 വർഷമായി യു.എ.ഇയിൽ താമസിക്കുന്ന താൻ ഒരു കുറ്റകൃത്യത്തിലും ഉൾ​െപ്പട്ടിട്ടില്ലെന്നും അദ്ദേഹം പറഞ്ഞു. പ്രോസിക്യൂട്ടർമാർ സമർപ്പിച്ച തെളിവുകളുടെ അടിസ്​ഥാനത്തിൽ കോടതി രണ്ടുപേർക്ക്​ ശിക്ഷ വിധിക്കുകയായിരുന്നു. മൂന്നാമനെ കുറ്റക്കാരനല്ലെന്ന്​ കണ്ട്​ വെറുതെ വിട്ടു. ശിക്ഷിക്കപ്പെട്ട രണ്ടുപേരെയും ശിക്ഷാകാലാവധിക്ക്​ ശേഷം നാടുകടത്താനും കോടതി ഉത്തരവിട്ടു.