ഇമറാത്തി പൈതൃകവും ഒട്ടക ഒാട്ടവും;  അൽ മർമൂം പൈതൃക ഗ്രാമം നാളെ തുറക്കും

ദു​ൈബ: ഇമറാത്തി സംസ്​കാരവും പൈതൃകവും വിളിച്ചോതുന്ന അൽ മർമൂം പൈതൃക ഗ്രാമം നാളെ സന്ദർശകർക്കായി തുറന്നു ​െകാടുക്കും. ദുബൈ കൾച്ചർ ആൻറ്​ ആർട്​സ്​ അതോറിറ്റിയുടെ പിന്തുണയോടെ ആരംഭിക്കുന്ന മർമൂം പൈതൃക ഗ്രാമത്തിൽ യു.എ.ഇയുടെ പരമ്പരാഗത കരകൗശല വസ്​തുക്കളുടെയും കലാപരിപാടികളുടെയും പ്രദർശനവും തനതു വിഭവങ്ങളുടെ ഭക്ഷ്യമേളയുമുണ്ടാവും.  
സന്ദർശകർക്കും പങ്കുചേരാനാവുന്ന പ്രതിമ നിർമാണം, മണൽ രൂപ നിർമാണം, നൃത്ത പരിപാടികൾ എന്നിവ മേളയിലുണ്ട്​. ഇന്ത്യ^യു.എ.ഇ സൗഹൃദത്തി​​െൻറ അടയാളമായി ബോളിവുഡ്​ നൃത്തങ്ങൾ, രാജസ്​ഥാനി നാടോടി നൃത്തം, പഞ്ചാബി ഭാംഗ്ര നൃത്തം എന്നിവയും ഇന്ത്യൻ വിവാഹ രീതിയും സാംസ്​കാരിക പരിപാടികളിൽ ഉൾക്കൊള്ളിച്ചിട്ടുണ്ട്​. എന്നാൽ അടുത്ത മാസം നടക്കുന്ന ഒട്ടകഒാട്ട, സൗന്ദര്യ മത്സരങ്ങളാണ്​ മർമൂം മേളയുടെ മുഖ്യ ആകർഷണം.  യു.എ.ഇയിൽ നിന്നും മറ്റു ഗൾഫു രാജ്യങ്ങളിൽ നിന്നുമുള്ള മത്സരാർഥികളും കായിക പ്രേമികളും ഇതിനായി എത്തും. പഴയകാല ക​േമ്പാളങ്ങളുടെ അതേ കെട്ടിലും മട്ടിലുമാണ്​ ഗ്രാമത്തിലെ പ്രദർശന ശാലകൾ ഒരുക്കുന്നത്​. 
അൽ ​െഎൻ^ദുബൈ റോഡിലെ അൽ മർമൂമിലെ ദുബൈ കാമൽ റേസിംഗ്​ ക്ലബിലാണ്​ വേദി ഒരുങ്ങുന്നത്​. ഒരു മാസം നീളുന്ന മേളയിലേക്ക്​ പ്രവേശനം സൗജന്യമാണ്​.