ഇന്ത്യയിൽനിന്ന്​ 235 കോടി രൂപയുടെ വെടിയുണ്ടകൾ യു.എ.ഇ വാങ്ങുന്നു

അബൂദബി: ബോഫോഴ്​സ്​ ​േതാക്കുകളിൽ ഉപയോഗിക്കാവുന്ന തിരകൾ ഇന്ത്യയിൽനിന്ന്​ യു.എ.ഇയിലേക്ക്​ ഇറക്കു​മതി ചെയ്യാനുള്ള കരാർ അന്തിമ ഘട്ടത്തിൽ. ഇന്ത്യയിലെ ഒാർഡ്​നൻസ്​ ഫാക്​ടറി ബോർഡ്​ (ഒ.എഫ്​.ബി) ആണ്​ 155 എം.എം തിരകൾ യു.എ.ഇ സൈന്യത്തിന്​ വേണ്ടി കയറ്റിയയക്കുകയെന്ന്​ ‘ടൈംസ്​ ഒാഫ്​ ഇന്ത്യ’ റി​േപ്പാർട്ട്​ ചെയ്​തു. 235 കോടി രൂപയുടെ കരാറാണിത്​. ഇതോടെ ഒ.എഫ്​.ബിയുടെ കയറ്റുമതി പത്ത്​ മടങ്ങായി വർധിക്കും. 
നിലവിൽ 20 മുതൽ 25 കോടി രൂപയുടെ കയറ്റുമതിയാണ്​ വിദർഭ, ചന്ദാപൂർ, ഭണ്ഡാര എന്നിവിടങ്ങളിൽ പ്രവർത്തിക്കുന്ന കമ്പനി പ്രതിവർഷം നടത്തുന്നത്​. 
ഫെ​​ബ്രുവരി  അവസാന വാരം ഇന്ത്യൻ പ്രതിനിധികൾ നടത്തിയ യു.എ.ഇ സന്ദർശനത്തിനിടെയാണ്​ തിര  കയറ്റുമതി സംബന്ധിച്ച്​ പ്രാഥമിക ചർച്ച നടന്നത്​. യു.എ.ഇയിൽനിന്ന്​ നിർദേശം വന്നതോടെ ഇന്ത്യ ദ്രുതഗതിയിൽ കാര്യങ്ങൾ നീക്കി. ധാരണയിൽ ഒപ്പിട്ടിട്ടുണ്ടെന്നും യു.എ.ഇയുടെ സ്​റ്റാമ്പിങ്ങിനായി കാത്തിരിക്കുകയാണെന്നും ഒ.എഫ്​.ബി അധികൃതർ പറയുന്നു. 
കയറ്റുമതി യാഥാർഥ്യമായാൽ ഇന്ത്യ^യു.എ.ഇ പ്രതിരോധ കരാറിൽ ഏറ്റവും വലിയതാകും ഇത്​.