ലോകത്തി​െൻറ പട്ടിണി മാറ്റാൻ വഴിതേടി അബൂദബിയിൽ ശാസ്​ത്രജ്ഞ സംഗമം

അബൂദബി: ആഗോളാടിസ്​ഥാനത്തിൽ പട്ടിണി നിർമാർജനം ചെയ്യാനുള്ള മാർഗങ്ങൾ ആരാഞ്ഞ്​ ലോക പ്രശസ്​ത കൃഷ്​ശാസ്​ത്രജ്ഞർ, പ്രഫസർമാർ, മറ്റു വിദഗ്​ധർ തുടങ്ങിയവർ അബൂദബിയിൽ സംഗമിക്കുന്നു. കൃഷിയിലെ നൂതനാശയങ്ങൾക്കുള്ള ആഗോളം ഫോറം എന്ന പേരിൽ മാർച്ച്​ 20, 21 തീയതികളിൽ അബൂദബി നാഷനൽ എക്​സിബിഷൻ സ​െൻററിൽ നടക്കുന്ന പരിപാടിയിൽ പ​െങ്കടുക്കാനാണ്​ കൃഷി ശാസ്​ത്രജ്ഞർ ഉൾപ്പെടെയുള്ളവർ എത്തുന്നത്​.  കാലാവസ്​ഥാ വ്യതിയാന–പരിസ്​ഥിതി കാര്യ മന്ത്രാലയത്തി​​െൻറ സഹകരണത്തോടെ അബൂദബി ഭക്ഷ്യ നിയന്ത്രണ അതോറിറ്റി (എ.ഡി.എഫ്​.സി.എ) ആണ്​ പരിപാടിക്ക്​ ആതിഥ്യം വഹിക്കുന്നത്​. 
ന്യൂസിലൻഡ്​ ഒാക്​ലാൻഡ്​ സർവകലാശാലയിലെ പ്രഫ. കേതർ സിംപ്​സൺ, റിയാദ്​ കിങ്​ സഉൗദ്​ സർവകലാശാലയിലെ പ്രഫ. അബ്​ദുൽ റഹ്​മാൻ സഅദ്​ അൽ ദാവൂദ്​, നെയ​്​റോബി യുനൈറ്റഡ്​ സ്​റ്റേറ്റ്​സ്​ അന്താരാഷ്​​്​്​്ട്ര സർവകലാശാലയിലെ പ്രഫ. ഫ്രാൻസിസ്​ വാംബലാബ, സെർബിയ ബെൽഗ്രേഡ്​ സർവകലാശാലയിലെ വ്ലാദൻ ബോഗ്​ദനോവിച്​ ഉൾപ്പടെ  200ലധികം ശാസ്​ത്രജ്ഞർ ഫോറത്തിൽ പ​െങ്കടുക്കും. പട്ടിണിക്കെതിരെയുള്ള പോരാട്ടത്തിന്​ തങ്ങൾ നടത്തിയ ആഹ്വാനത്തിന്​ ശാസ്​ത്രജ്ഞരിൽനിന്ന്​ മികച്ച പ്രതികരണമാണ്​ ലഭിച്ചതെന്നും ലോകത്തെ മികച്ച പ്രതിഭകളെ ഒരേ വേദിയിൽ കൊണ്ടുവരാൻ ഇതു വഴി സാധിക്കുമെന്നും എ.ഡി.എഫ്​.സി.എ ആശയവിനിമയ^സാമൂഹിക സേവന വിഭാഗം ഡയറക്​ടർ തമർ ആൽ ഖാസിമി അറിയിച്ചു. പരീക്ഷണശാലയിൽനിന്ന്​ ഗവേഷണങ്ങളെ വേഗത്തിൽ കൃഷിയിടത്തിലേക്ക്​ മാറ്റാൻ വാണിജ്യ^സ്വകാര്യ സംഘങ്ങളെ സഹായിക്കാൻ ശാസ്​ത്രജ്ഞ സമൂഹത്തിന്​ എന്തുചെയ്യാൻ സാധിക്കും, സുസ്​ഥിര മൃഗ ഉൽപാദനം, വർധിക്കുന്ന മാംസ ആവശ്യത്തിന്​ അനുസരിച്ച്​ എങ്ങനെ ഉൽപാദനം വർധിപ്പിക്കാം തുടങ്ങിയ വിഷയങ്ങളിൽ ഫോറത്തിൽ ചർച്ച നടക്കും. 300ഒാളം കമ്പനികൾ പ​െങ്കടുക്കുന്ന പ്രദർശനവും സംഘടിപ്പിക്കും.