‘സ്ത്രീവിരുദ്ധ അതിക്രമങ്ങള്‍ക്കെതിരെ സമൂഹം ഉണരണം’

റാസല്‍ഖൈമ: ഇന്ത്യയില്‍ സ്ത്രീകള്‍ക്കെതിരെ നടക്കുന്ന അതിക്രമങ്ങള്‍ സാമൂഹിക പ്രശ്നമാകാത്തത് ജനാധിപത്യ സംവിധാനത്തിന് ഭീഷണിയാണെന്ന് കണ്ണൂര്‍ ജില്ലാ പഞ്ചായത്ത് വൈസ് പ്രസിഡൻറ്​ പി.പി. ദിവ്യ അഭിപ്രായപ്പെട്ടു. 
റാക് സുഡാനി ക്ലബില്‍ ചേതനയുടെ ‘മാതൃകം’ വനിതാ ദിനാഘോഷം ഉദ്ഘാടനം ചെയ്യുകയായിരുന്നു അവര്‍. പീഡനങ്ങള്‍ സ്ത്രീകളുടെ മാത്രം പ്രശ്നമായി കാണുന്നത്് അക്രമങ്ങള്‍ അധികരിക്കുന്നതിനിടയാക്കും. 
സ്വന്തത്തിലേക്ക് ഉള്‍വലിയുന്ന കേരളീയ സമൂഹത്തി​​െൻറ മനോഗതിയില്‍ മാറ്റം വരണം. 
 റാക് ചേതന വനിതാ കണ്‍വീനര്‍ ബബിത നൂര്‍ അധ്യക്ഷത വഹിച്ചു. സിന്ധു ബാലു, അന്നമ്മ മാത്യു, മഹിത ഭാസ്കര്‍ എന്നിവര്‍ സംസാരിച്ചു. ഷൈജ സ്വാഗതവും അഖില സന്തോഷ് നന്ദിയും പറഞ്ഞു.  കലാ പരിപാടികളും നടന്നു.  ചേതനയുടെ ‘മാതൃകം’ വനിതാ ദിനാഘോഷം  പി.പി. ദിവ്യ ഉദ്​ഘാടനം ചെയ്യുന്നു