യു.എ.ഇ സൈനികൻ യെമനിൽ  രക്​തസാക്ഷിയായി

അബൂദബി: യെമനിൽ നിയമാനുസൃത സർക്കാറിനെ പുനഃസ്​ഥാപിക്കാൻ സൗദി അറേബ്യയുടെ നേതൃത്വത്തിലുള്ള അറബ്​ സഖ്യസേന നടത്തുന്ന ‘പ്ര​ത്യാശ പുനഃസ്​ഥാപന ഒാപറേഷനി’ൽ പ​​െങ്കടുത്തു വരികയായിരുന്ന യു.എ.ഇ സൈനികൻ രക്​തസാക്ഷിയായി. ഷാർജ എമിറേറ്റിലെ കൽബ സ്വദേശി ഫസ്​റ്റ്​ സെർജിയൻറ്​ സകരിയ സുലൈമാൻ ഉബൈദ്​ ആൽ സആബിയാണ്​ മരിച്ചത്​. യു.എ.ഇ സായുധസേന ജനറൽ കമാൻഡ്​ വ്യാഴാഴ്​ചയാണ്​ മരണവിവരം അറിയിച്ചത്​. കൂടുതൽ വിവരങ്ങൾ അറിവായിട്ടില്ല. 
അഞ്ച്​ മാസം പ്രായമായ മകനുള്ള സകരിയ സുലൈമാന്​ 14 സഹോദരങ്ങളു​ണ്ട്​. പിതാവ്​ നേരത്തെ മരിച്ചു. രണ്ടാഴ്​ച മുമ്പാണ്​ കുടുംബം സകരിയ സുലൈമാനെ കണ്ടത്​. ത​​െൻറ രാജ്യത്തെ സേവിക്കുന്നതും സൈനികനായിരിക്കുന്നതും സകരിയ സുലൈമാൻ ഏറെ ഇഷ്​ടപ്പെട്ടിരുന്നുവെന്ന്​ സഹോദരൻ പറഞ്ഞു. അവ​​െൻറ മരണം കുടുംബത്തിന്​ ഹൃദ​യഭേദകമാണ്​. എന്നാൽ, രാജ്യത്തെ സേവിച്ചുകൊണ്ടാണ്​ അവൻ മരിച്ചതെന്നതും രക്​തസാക്ഷിയാവുകയായിരുന്നുവെന്നതും ആശ്വാസകരമാണെന്നും അദ്ദേഹം പറഞ്ഞു. സകരിയ സുലൈമാ​​െൻറ കുടുംബത്തെ അനുശോചനം അറിയിക്കുന്നതായും അദ്ദേഹത്തി​​െൻറ ആത്​മാവിന്​ ശാന്തിയും സമാധാനവും ലഭിക്ക​െട്ടയെന്ന്​ പ്രാർഥിക്കുന്നതായും സായുധസേന ജനറൽ കമാൻഡ്​ അറിയിച്ചു.