പൂർണമായും സൗരോർജത്തിൽ പ്രവർത്തിക്കുന്ന സ്​കൂൾ വരുന്നു

അജ്​മാൻ:  പൂർണമായും സൗരോർജത്തിൽ പ്രവർത്തിക്കുന്ന യു.എ.ഇയി​െല ആദ്യത്തെ വിദ്യാലയമാകാൻ അജ്​മാനിലെ വുഡ്​ലംപാർക്ക്​ സ്​കൂൾ തയാറെടുക്കുന്നു. 
വരുന്ന ഏ​പ്രിലിൽ പ്രവേശനം തുടങ്ങുന്ന സ്​കൂളിന്​ ആവശ്യമായ 3.6 മെഗാവാട്ട്​ വൈദ്യുതിയും സൗരോർജ പാനൽ ഉപയോഗിച്ചായിരിക്കും ഉത്​പാദിപ്പിക്കുകയെന്ന്​ സ്​കൂൾ രക്ഷാധികാരി ശൈഖ്​  ഡോ.മാജിദ്​ അൽ നു​െഎമിയും സി.ഇ.ഒ ഡോ. അബ്​ദുൽ സലാം മുഹമ്മദും വാർത്താസമ്മേളനത്തിൽ അറിയിച്ചു.
യു.എ.ഇ സർക്കാരി​​െൻറ ഗോ ഗ്രീൻ പദ്ധതിയുടെ ഭാഗമായാണ്​ ഹരിതോർജ പദ്ധതി സ്​കൂൾ നടപ്പാക്കുന്നത്​. മലീനികരണവും കാർബൺ ബഹിർഗമനവും ഇല്ലാതാക്കുന്നതിനൊപ്പം ആധുനിക സാ​േങ്കതിക വിദ്യകളെ വിദ്യാർഥിക​ളിലെത്തിക്കുകയും പദ്ധതിയുടെ ലക്ഷ്യമാണ്​. ജർമൻ കമ്പനിയായ സോളാർ വേൾഡും ഇന്ത്യൻ കമ്പനിയായ ഹോ​ട്ട്​ പോയൻറ്​ ഗ്രീൻ എനർജി സൊല്യൂഷനുമായി സഹകരിച്ചാണ്​ പദ്ധതി നടപ്പാക്കുന്നത്​. സ്​കൂളി​​െൻറ മേൽക്കൂരയിലാണ്​ അത്യാധുനികമായ 2,000  മോണോ ക്യസ്​റ്റ്​ ലൈൻ ലോ ലൈറ്റ്​ സൗരോർജ പാനലുകൾ സ്​ഥാപിക്കുക. 600 ലേറെ എ.സികളും കമ്പ്യൂട്ടറുകളും ലാബുകളും വിളക്കുകളുംഇതിൽ പ്രവർത്തിക്കും. മധ്യവേനലവധിക്കാലത്ത്​ ഉപയോഗമില്ലാത്ത വൈദ്യുതി സർക്കാരിന്​ കൊടുക്കാനുമാകുമെന്നും അവർ  അറിയിച്ചു. 
തുടക്കത്തിലെ നിക്ഷേപംകൊണ്ട്​ 25 വർഷം വൈദ്യുതി ഉൽപാദിപ്പിക്കാം. രണ്ടു ദിവസം സൂക്ഷിക്കാവുന്ന ബാറ്ററി സംവിധാനവുമുണ്ടാകും.
വാർത്താസമ്മേളനത്തിൽ മാനേജിങ്​ ഡയറക്​ടർ നൗഫൽ അഹമ്മദ്​,സി.ഒ.ഒ അബ്​ദുൽ ഗഫൂർ തയ്യിൽ  ഹോട്ട്​ പോയൻറ്​ ചെയർമാൻ ഡോ. പി.വി.മജീദ്​, എം.ഡി ആർ.അനീഷ്​, ഡയറക്​ടർ അസ്​മൽ അഹമ്മദ്​, യോഹന എന്നിവരും സംബന്ധിച്ചു.