ശൈഖ ഹംദ ബിന്‍ത് ഖാലിദ് ആല്‍  ഖാസിമി അന്തരിച്ചു

ഷാര്‍ജ: ഷാര്‍ജ രാജകുടുംബാംഗം ശൈഖ ഹംദ ബിന്‍ത് ഖാലിദ് ആല്‍ ഖാസിമി അന്തരിച്ചു. യു.എ.ഇ സുപ്രീം കൗണ്‍സില്‍ അംഗവും ഷാര്‍ജ ഭരണാധികാരിയുമായ ശൈഖ് ഡോ. സുല്‍ത്താന്‍ ബിന്‍ മുഹമ്മദ് ആല്‍ ഖാസിമി ഇവരുടെ നിര്യാണത്തില്‍ അഗാധമായ ദുഃഖം രേഖപ്പെടുത്തി. ശൈഖ് ഇസാം ബിന്‍ സാഖര്‍ ബിന്‍ ഹുമൈദ് ആല്‍ ഖാസിമി, ശൈഖ് അഹമ്മദ് ബിന്‍ സാഖര്‍ ബിന്‍ ഹുമൈദ് ആല്‍ ഖാസിമി എന്നിവരുടെ മാതാവാണ് അന്തരിച്ച ശൈഖ ഹംദ. വ്യാഴാഴ്ച രാവിലെ അല്‍ സഹബ പള്ളിയില്‍ നടന്ന മയ്യത്ത് നമസ്കാരത്തില്‍ നിരവധി പേര്‍ പങ്കെടുത്തു. കബറടക്കം അല്‍ ജുബൈല്‍ ഖബര്‍സ്ഥാനില്‍ നടന്നു.