രക്​തചന്ദനം കടത്താൻ 10 കോടി ദിർഹം കൈക്കൂലി  വാഗ്​ദാനം; നാല്​ ഇന്ത്യക്കാരുടെ വിചാരണ തുടരുന്നു

ദുബൈ: പിടിച്ചെടുത്ത ക​െണ്ടയ്​നറുകളിലെ രക്​ത ചന്ദനം കടത്താൻ ദുബൈ തുറമുഖത്തെ കസ്​റ്റംസ്​ ഉദ്യോഗസ്​ഥന്​​ 10 കോടി ദിർഹം കൈക്കൂലി വാഗ്​ദാനം ചെയ്​ത കേസിൽ നാല്​ ഇന്ത്യക്കാരുടെ കുറ്റവിചാരണ തുടരുന്നു. വംശനാശ ഭീഷണി നേരിടുന്ന രക്​തചന്ദനം യു.എ.ഇയിലേക്ക്​ ഇറക്കുമതി ചെയ്യുന്നത്​ രാജ്യ​െത്ത നിയമങ്ങൾക്കു വിരുദ്ധമാണ്​.ഇതു മറികടന്ന്​ ആരോ കടത്തിയ  98 ചന്ദന ക​െണ്ടയിനറുകൾ ദുബൈ  തുറമുഖത്ത്​ പിടികൂടിയിരുന്നു. ഇവ ജബൽ അലി ഫ്രീസോണിലെ തങ്ങളുടെ ഗോഡൗണിലേക്ക്​ മാറ്റാൻ സഹായം തേടിയാണ്​ ഇന്ത്യൻ വ്യവസായിയും സഹായികളും പ്രലോഭനം നടത്തിയത്​. 
ഒന്നിന്​ പത്തു ലക്ഷം ദിർഹം വീതം കൈക്കൂലി നൽകാമെന്നായിരുന്നു വാഗ്​ദാനം. ആദ്യ ഗഡുവായി അര ലക്ഷം ദിർഹം നൽകുകയും ചെയ്​തു.
യു.എ.ഇ സ്വദേശിയായ പോർട്ട്​ ചീഫ്​ എക്​സിക്യൂട്ടീവ്​ ലണ്ടൻ സന്ദർശിച്ച വേളയിലാണ്​ സംഘം വാഗ്​ദാനവുമായി എത്തിയത്​. ഇന്ത്യൻ വ്യവസായിക്ക്​ താനുമായി ചേർന്ന്​ വ്യവസായം ചെയ്യാൻ  താൽപര്യമുണ്ടെന്ന്​ പറഞ്ഞാണ്​  ഇന്ത്യക്കാരനായ സുഹൃത്ത്​ സമീപിച്ചത്​. താൽപര്യമില്ലെന്ന്​ വ്യക്​തമാക്കിയെങ്കിലും ഇയാൾ ത​​െൻറ നമ്പർ വ്യവസായിക്കു കൈമാറി. അവരുടെ വ്യവസായ പദ്ധതി നിരസിച്ച ശേഷവും നാലു പേർ ചേർന്ന്​ ദുബൈയിൽ തന്നെ സന്ദർശിച്ചാണ്​ ചന്ദന കണ്ടയ്​നറുകൾ വിട്ടുകിട്ടാൻ സഹായിക്കണമെന്ന്​ ആവശ്യപ്പെട്ടത്​. ഒാരോ ക​െണ്ടയ്​നറിലെയും ചന്ദനത്തിന്​ 30 ലക്ഷം ദിർഹം മൂല്യമുണ്ട്​. 10 ലക്ഷം ഉദ്യോഗസ്​ഥന്​ നൽകാമെന്നും 20 ലക്ഷം പ്രതികൾ വീതിച്ചെടുക്കാമെന്നുമാണ്​ ഇവർ മുന്നോട്ടുവെച്ച പദ്ധതി.   ഇദ്ദേഹം ഉടനടി വിവരം ഉന്നതാധികാരികളെ അറിയിച്ചു. അവര​ുടെ നിർദേശ​പ്രകാരം    തന്ത്രപരമായി സഹകരിച്ചാണ്​ പ്രതികളെ പിടികൂടിയത്​. കോടതി മുമ്പാകെ പ്രതികൾ കുറ്റം നിഷേധിച്ചു. അടുത്ത വാദം ഏപ്രിൽ രണ്ടിന്​ നടക്കും.