അബൂദബിയിൽ വൈദ്യുതി  ബിൽ പൂർണമായി ഡിജിറ്റലാവുന്നു

അബൂദബി: മെയ്​ ഒന്ന്​ മുതൽ ഇലക്​​ട്രോണിക്​ ബില്ലുകൾ മാത്രമേ ഉപഭോക്​താക്കൾക്ക്​ നൽകുകയുള്ളൂവെന്ന്​  അബൂദബി ജല^​െവെദ്യുതി അതോറിറ്റിയു​െട കീഴിലെ അബൂദബി വിതരണ കമ്പനി അറിയിച്ചു. 
പരിസ്​ഥിതി സംരക്ഷണവും പ്രകൃതി വിഭവങ്ങളുടെ വിവേകപരമായ ഉപയോഗവും ലക്ഷ്യം വെക്കുന്ന അബൂദബി ആസൂത്രണ പദ്ധതി, അബൂദബി വിതരണ കമ്പനിയുടെ നയം എന്നിവയുടെ ഭാഗമായും രാഷ്​ട്ര നേതാക്കളുടെ നിർദേശാനുസരണവുമാണ്​ ഇലക്​ട്രോണിക്​ ബിൽ സംവിധാനത്തിലേക്ക്​ പൂർണമായി മാറുന്നതെന്ന്​ അധികൃതർ പറഞ്ഞു. 
2017 മെയ്​ ഒന്ന്​ മുതൽ എല്ലാ ഉപഭോക്​താക്കളെയും ഇല​ക്​ട്രോണിക്​ ബില്ലിങ്​ സംവിധാനത്തിന്​ കീഴിൽ കൊണ്ടുവരുമെന്ന്​ അബൂദബി വിതരണ കമ്പനി മാനേജിങ്​ ഡയറക്​ടർ സഇൗദ്​ മുഹമ്മദ്​ ആൽ സുവൈദി പറഞ്ഞു. ഇലക്​​േ​ട്രാണിക്​ ബില്ലുകൾ ഉപഭോക്​താക്കൾക്ക്​ കൂടുതൽ സൗകര്യപ്രദവും ചെലവ്​ കുറഞ്ഞതും പരിസ്​ഥിതി സൗഹൃദവുമായിരിക്കും. വർഷത്തിൽ 80 ലക്ഷം ബില്ലുകൾ അബൂദബി വിതരണ കമ്പനി നൽകുന്നുണ്ട്​. 
ഇലക്​ട്രോണിക്​ സംവിധാനത്തിലേക്ക്​ മാറുന്നതോടെ 1,500 മരങ്ങളിൽനിന്ന്​ ഉൽപാദിപ്പിക്കുന്ന കടലാസ്​ ലാഭിക്കാനാവുമെന്നും അദ്ദേഹം അറിയിച്ചു. 
അബൂദബി വിതരണ കമ്പനിയുടെ മൊബൈൽ ആപ്ലിക്കേഷനിൽനിന്നും വെബ്​സൈറ്റിൽനിന്നും എസ്​.എം.എസ്​ ആയും ഇമെയിൽ ആയും ബില്ലുകൾ ഉപഭോക്​താക്കൾക്ക്​ അയക്കും. കൂടുതൽ ഉപ​ഭോക്​താക്കളും ഇപ്പോൾ കമ്പനിയുടെ ആപ്ലിക്കേഷനോ വെബ്​​ൈസറ്റോ വഴി ഇടപാട്​ നടത്താൻ താൽപര്യപ്പെടുന്നവരാണെന്നും അധികൃതർ വ്യക്​തമാക്കി. ഏകദേശം 53 ശതമാനം ഉപഭോക്​താക്കളാണ്​ നിലവിൽ ഇലക്​​േട്രാണിക്​ ബിൽ സ്വീകരിച്ചുവരുന്നത്​. ബാക്കി 47 ശതമാനത്തെ കൂടി ഇതിലേക്ക്​ നയിക്കാനുള്ള യത്​നമാണ്​ കമ്പനി നടത്തിക്കൊണ്ടിരിക്കുന്നത്​. 
  കമ്പനിയുടെ വെബ്​സൈറ്റായ  www.addc.ae വഴി തങ്ങളുടെ മൊബൈൽ ഫോൺ നമ്പറും ഇ മെയിൽ അഡ്രസും അറിയിക്കാൻ ഉപഭോക്​താക്കൾക്ക്​ സൗകര്യമുണ്ട്​. 800 2332 ടോൾ ഫ്രീ നമ്പറിൽ വിളിച്ചോ കമ്പനിയുടെ ശാഖകളിൽ നേരി​െട്ടത്തിയോ നമ്പറും ഇമെയിൽ വിലാസവും നൽകാം.