യു.എ.ഇയിൽ സ്വകാര്യ കമ്പനികൾക്ക്​ അഞ്ചു   ശതമാനം വാറ്റ്​; കെട്ടിട വാടക വർധിക്കും

അബൂദബി: നിശ്​ചിത വരുമാനമുള്ള സ്വകാര്യ സ്​ഥാപനങ്ങൾക്കും  ഭൂ^കെട്ടിട ഉടമകൾക്കും യു.എ.ഇയിൽ അഞ്ച്​ ശതമാനം മൂല്യവർധിത നികുതി (വാറ്റ്​) ഏർപ്പെടുത്തി ഫെഡറൽ നാഷനൽ കൗൺസിൽ  കരട്​ നിയമം പുറപ്പെടുവിച്ചു. ഫെഡറൽ സർക്കാറിന്​ കൂടുതൽ വരുമാനം ലഭ്യമാക്കുകയും സുസ്​ഥിര സാമ്പത്തിക വളർച്ച ഉറപ്പ്​ വരുത്തുകയും ചെയ്യുന്ന തരത്തിൽ നികുതി ഇൗടാക്കലി​​െൻറ എല്ലാവിധ ചട്ടങ്ങളും നിയമക്രമങ്ങളും ഉൾക്കൊള്ളുന്ന കരടാണ്​ ബുധനാഴ്​ച എഫ്​.എൻ.സി പ്രഖ്യാപിച്ചത്​.  2018 ജനുവരി ഒന്ന്​ മുതലാണ്​ വാറ്റ്​ പ്രാബല്യത്തിലാവുക.
​3.7 ലക്ഷം ദിർഹവും അതിന്​ മുകളിലും വാർഷിക വരുമാനമുള്ള എല്ലാ സ്വകാര്യ കമ്പനികളും വാറ്റ്​ അടക്കേണ്ടിവരും. കെട്ടിടങ്ങൾ വാടകക്ക്​ കൊടുക്കുന്നവരും വാറ്റി​​െൻറ പരിധിയിൽ വരും. അതിനാൽ, രാജ്യത്തെ കെട്ടിട വാടക 2018 ജനുവരി മുതൽ വർധിക്കാൻ ഇടയാകും. നികുതി സമാഹരണത്തിനുള്ള നടപടികൾ, നികുതി തിട്ടപ്പെടുത്തൽ, നികുതി ഇളവ്​, നിയമലംഘനങ്ങൾ, ശിക്ഷ എന്നിവയിലുള്ള നടപടിക്രമങ്ങളും കരട്​ നിയമത്തിൽ പരാമർശിക്കുന്നുണ്ട്​. നികുതി അടക്കുന്നതിൽ വീഴ്​ച വരുത്തുന്നവർക്കുള്ള പിഴ ബാധ്യതയുള്ള നികുതിയുടെ അഞ്ചിരട്ടിയിൽ കൂടരുതെന്നും നിയമം അനുശാസിക്കുന്നു.
നിലവിൽ നാലര ലക്ഷം സ്വകാര്യ കമ്പനികളാണ്​ യു.എ.ഇയിലുള്ളത്​. ഇത്​ അധികം വൈകാതെ ആറ്​ ലക്ഷം ആകുമെന്ന്​ പ്രതീക്ഷിക്കുന്നു. അതിനാൽ കൂടുതൽ ആഭ്യന്തര ഉൽപാദന വളർച്ചയുണ്ടാകുമെന്ന്​ സാമ്പത്തിക കാര്യ സഹമന്ത്രി ഉബൈദ് ബിൻ ഹുമൈദ് ആൽ തായിർ വ്യക്​തമാക്കി. 2021ഒാടെ യു.എ.ഇയുടെ വരുമാനത്തി​​െൻറ 80 ശതമാനവും എണ്ണയിതര ​മേഖലയിൽനിന്ന്​ കണ്ടെത്താനാണ്​ ലക്ഷ്യമെന്നും അദ്ദേഹം
പറഞ്ഞു. കഴിഞ്ഞ വർഷമാണ്​ ജി.സി.സി അ​ംഗരാജ്യങ്ങളായ യു.എ.ഇ, സൗദി ​അറേബ്യ, ഖത്തർ, ബഹ്​റൈൻ, ഒമാൻ എന്നിവ വാറ്റ്​ നടപ്പാക്കാനുള്ള കരാറിൽ ഒപ്പുവെച്ചത്​. കരാർ പ്രകാരം വാറ്റ്​ നടപ്പാക്കാൻ ഒാരോ രാജ്യങ്ങൾക്കും 2019 ജനുവരി ഒന്ന്​ വരെ സാവകാശമുണ്ട്​. പുകയില, ശീതളപാനീയങ്ങൾ, ഉൗർജ പാനീയങ്ങൾ എന്നിവ ഉൾപ്പെടെയുള്ള ഉൽപന്നങ്ങൾക്ക്​ പ്രത്യേക ഉൽപന്ന നികുതി ഏർപ്പെടുത്താനും ജി.സി.സി രാജ്യങ്ങൾ ധാരണയിലെത്തിയിരുന്നു. 100 ശതമാനം വരെ ഇത്തരം ഉൽപന്നങ്ങൾക്ക്​ നികുതി ഏർപ്പെടുത്താം. സൗദി അറേബ്യ ഇതു സംബന്ധിച്ച്​ നിയമം കൊണ്ടുവരികയും പുകയിലക്ക്​ 100 ശതമാനവും ശീതള പാനീയങ്ങൾക്ക്​​ 35 ശതമാനവും നികുതി ഏർപ്പെടുത്തുകയും ചെയ്​തിരുന്നു. യു.എ.ഇയിൽ ഇൗ വർഷം പ്രത്യേക ഉൽപന്ന നികുതി പ്രതീക്ഷിക്കാമെന്ന്​ ഉബൈദ് ബിൻ ഹുമൈദ് ആൽ തായിർ പറഞ്ഞു. 
നിയമം പുറപ്പെടുവിക്കു​േമ്പാൾ എന്ന്​ പ്രാബല്യത്തിലാകുമെന്ന്​ പറയാൻ സാധിക്കുമെന്നും അദ്ദേഹം കൂട്ടിച്ചേർത്തു. പുകയില ഉൽപന്നങ്ങളിൽനിന്നുള്ള നികുതിയായി മാത്രം വർഷത്തിൽ 200 കോടി ദിർഹം സമാഹരിക്കാനാകുമെന്നാണ്​ യു.എ.ഇ പ്രതീക്ഷിക്കുന്നത്​.