ദുബൈ മീഡിയാ സിറ്റിയിൽ തീപിടിത്തം

ദുബൈ: നഗരത്തിലെ മീഡിയാസിറ്റിയിൽ ബഹുനില കെട്ടിടത്തിൽ തീ ഉയർന്നത്​ പരി​ഭ്രാന്തി പരത്തി. ബുധനാഴ്​ച ഉച്ച തിരിഞ്ഞാണ്​ ബിസിനസ്​ സെൻട്രൽ ടവറി​​െൻറ ഒമ്പതാം നിലയിൽ നിന്ന്​ പുക ഉയർന്നത്​. ഉടനടി കെട്ടിടത്തിലുണ്ടായിരുന്നവരെ ഒഴിപ്പിച്ചു. ദുബൈ സിവിൽ ഡിഫൻസ്​ സംഘം പാഞ്ഞെത്തി രക്ഷാ പ്രവർത്തനങ്ങളും നടത്തി. വൈദ്യുതി ഷോർട്​ സർക്യൂട്ടാണ്​ കാരണമെന്ന്​ സംശയിക്കുന്നു. 1.45ന്​ ഉയർന്ന തീ മൂന്ന്​ ഫയർ എൻജിനുകൾ ഉപയോഗിച്ച്​ ഒരു മണിക്കൂറു കൊണ്ട്​ നിയ​ന്ത്രണ വിധേയമാക്കി. മീഡിയാ സിറ്റിയിലെ വിവിധ കെട്ടിടങ്ങളിൽ അഗ്​നി സുരക്ഷാ ക്രമീകരണങ്ങൾ ഉറപ്പുവരുത്തുന്നതി​​െൻറ ഭാഗമായി ഒരാഴ്​ചയായി ഫയർഡ്രില്ലുകൾ നടത്തി വരുന്നതിനാൽ ബിസിനസ്​ ടവറിൽ തീ പിടിച്ചുവെന്ന അതി​​െൻറ ഭാഗമാകുമെന്നാണ്​ പ്രദേശത്തെ പലരും ധരിച്ചിരുന്നത്​. എന്നാൽ കെട്ടിടത്തിൽ നിന്ന്​ പുറത്തിറങ്ങിയ താമസക്കാരും ഒഫീസുകളിലെ ജീവനക്കാരും വിളിച്ചറിയിക്കുകയും സാമൂഹിക മാധ്യമങ്ങളിൽ ചിത്രങ്ങൾ പോസ്​റ്റു ചെയ്യുകയും ചെയ്​തതോടെയാണ്​ കാര്യത്തി​​െൻറ ഗൗരവം വ്യക്​തമായത്​. ശൈഖ്​ സായിദ്​ റോഡിൽ ഗതാഗത തടസത്തിനും തീപിടിത്തം വഴിവെച്ചു.