ഷാർജാ സുൽത്താന്​ ലണ്ടൻ പുസ്​തകമേളയിൽ അവാർഡ്​

ദുബൈ: സാംസ്​കാരിക വിനിമയ മേഖലയിൽ അർപ്പിച്ച അതുല്യമായ സേവനങ്ങൾ മുൻനിർത്തി സുപ്രിം കൗൺസിൽ അംഗവും ഷാർജാ ഭരണാധികാരിയുമായ ഡോ. ശൈഖ്​ സുൽത്താൻ ബിൻ മുഹമ്മദ്​ അൽ ഖാസിമിക്ക്​ ലണ്ടൻ പുസ്​തക മേളയിൽ ആദരം.  ലണ്ടൻ ബുക്​ഫെയർ ഇൻറർനാഷനൽ എക്​സലൻസ്​ അവാർഡ്​ വിതരണ ചടങ്ങിൽ സൈമൻ മാസ്​റ്റർ ചെയർമാൻസ്​ അവാർഡാണ്​ ശൈഖ്​ സുൽത്താന്​ സമ്മാനിച്ചത്​. പുസ്​തക മേള ഡയറക്​ടർ ജാക്​സ്​ തോമസ്​ പുരസ്​കാരം സമർപ്പിച്ചു.