യു.എ.ഇയിൽ ഐ.ടി ഫെഡറല്‍ പബ്ലിക് പ്രോസിക്യൂഷൻ രൂപവത്​കരിച്ചു

അബൂദബി: ഐടി അനുബന്ധ കുറ്റകൃത്യങ്ങള്‍ കൈകാര്യം ചെയ്യാന്‍ യു.എ.ഇ ഫെഡറല്‍ പബ്ലിക് പ്രോസിക്യൂഷൻ രൂപവത്​കരിച്ചു. തലസ്ഥാനമായ അബൂദബിയായിരിക്കും ഇതി​​െൻറ ആസ്ഥാനം. രാജ്യത്തെ മുഴുവന്‍ സൈബര്‍, ഐടി കുറ്റകൃത്യങ്ങളുടെയും തെളിവ് ശേഖരണം, അന്വേഷണം എന്നിവ പുതിയ ഫെഡറല്‍ പബ്ലിക് പ്രോസിക്യൂഷ​​െൻറ ചുമതലായിരിക്കും. 
വിവരസാങ്കേതിക വിദ്യ, ഇൻറര്‍നെറ്റ് എന്നിവ ഉപയോഗിച്ചുള്ള ഏത് തരം കുറ്റകൃത്യങ്ങളിലും തീര്‍പ്പ്​ കൽപിക്കുന്നതിനുള്ള അധികാരവും ഇൗ പ്രോസിക്യൂഷനായിരിക്കും. ഇൻറര്‍നെറ്റിലൂടെയുള്ള സദാചാരവിരുദ്ധ പ്രവര്‍ത്തനം, ആയുധകച്ചവടം, ഫണ്ട് സമാഹരണം, നിയമലംഘനം, പ്രകടനത്തിനുള്ള ആഹ്വാനം എന്നിവയെല്ലാം ഈ കുറ്റകൃത്യങ്ങളില്‍ ഉള്‍പ്പെടും. ഇൻറർനെറ്റ്​ വഴി ദൈവനിന്ദ, പ്രവാചകനിന്ദ, മതനിന്ദ എന്നിവ നടത്തുന്നവര്‍ക്കെതിരായ കേസുകളും ഇവിടെ കൈകാര്യം ചെയ്യും. ഇസ‍്‍ലാമേതര മതവിഭാഗങ്ങള്‍ വിശുദ്ധമായി കാണുന്നതിനെ അവമതിക്കുന്നതും കുറ്റകരമാണ്. വെബ്​സൈറ്റുകള്‍ വഴി ലഹരിമരുന്ന് ഉപയോഗം, വില്‍പന, സാമൂഹികവിരുദ്ധ പ്രവര്‍ത്തനം എന്നിവയെ പ്രോല്‍സാഹിപ്പിക്കുന്ന നടപടിയുണ്ടായാലും ഐടി ഫെഡറല്‍ പബ്ലിക് പ്രോസിക്യൂഷനാണ് കേസെടുക്കുക.