വാറ്റ്​: കരട്​ നിയമങ്ങൾ ഇൗയാഴ്​ച പാസാക്കിയേക്കും

അബൂദബി: മൂല്യവർധിത നികുതി (വാറ്റ്​) ഉൾപ്പെ​ടെയുള്ള നികുതികൾ ക്രമീകരിക്കാനുള്ള കരട്​ നിയമങ്ങൾ ഫെഡറൽ നാഷനൽ കൗൺസിൽ (എഫ്​.എൻ.സി) ഇൗയാഴ്​ച പാസാക്കിയേക്കും. പ്രത്യേക നികുതികളുടെ വിശദാംശങ്ങൾ കരട്​ നിയമത്തിൽ ഉൾപ്പെടുത്തില്ലെങ്കിലും നികുതി പിരിക്കുന്നതിനുള്ള ചട്ടങ്ങൾ ഉണ്ടാകുമെന്നാണ്​ കരുതുന്നത്​. 
ചൊവ്വാഴ്​ചയും ബുധനാഴ്​ചയുമായി നടക്കുന്ന പതിനാറാമത്​ നിയമ നിർമാണ ചാപ്​റ്ററി​​െൻറ രണ്ടാമത്​ ക്രമാനുസൃത സെഷനിലെ ഒമ്പത്​, പത്ത്​ യോഗങ്ങളിലാണ്​ ഇതു സംബന്ധിച്ച ചർച്ച നടക്കുക. 2018 ജനുവരി ഒന്ന്​ മുതൽ അഞ്ച്​ ശതമാനം വാറ്റ്​ നടപ്പാക്കുമെന്ന്​ നേരത്തെ യു.എ.ഇ പ്രഖ്യാപിച്ചിരുന്നു. എന്നാൽ, കോർപറേറ്റ്​ നികുതിയും വരുമാന നികുതിയും അടക്കമുള്ള മറ്റു ബദൽ വരുമാന മാർഗങ്ങൾ ഇൗ കാലയളവിൽ നടപ്പാക്കുന്നത്​ പരിഗണനയിലില്ലെന്ന്​ സാമ്പത്തിക കാര്യ സഹമന്ത്രി ഉബൈദ് ബിൻ ഹുമൈദ് ആൽ തായിർ വ്യക്​തമാക്കി. വാറ്റ്​ നടപ്പാക്കുന്നതിന്​ മുമ്പായി വളരെയധികം മുന്നൊരുക്കങ്ങൾ നടത്തേണ്ടതുണ്ട്​. നികുതി നിയമങ്ങൾക്ക്​ അനുസൃതമായ തരത്തിൽ കാര്യങ്ങൾ ക്രമീകരിക്കാൻ സ്വകാര്യ മേഖലക്ക്​ സാവകാശം ആവശ്യമാണ്​ അതിനാലാണ്​ എല്ലാവർക്കും ആവശ്യമായ സമയം അനുവദിക്കുന്നതെന്നും ഉബൈദ് ബിൻ ഹുമൈദ് ആൽ തായിർ പറഞ്ഞു. 
വാറ്റ്​ നടപ്പാക്കി ആദ്യ വർഷത്തിൽ 1.2 കോടി ദിർഹം ശേഖരിക്കാനാവുമെന്ന്​ കണക്കാക്കുന്നതായി സാമ്പത്തിക മന്ത്രാലയം അണ്ടർ സെക്രട്ടറി യൂനിസ്​ ആൽ ഖൂരി അറിയിച്ചു. 
ആഗോള വിപണിയിൽ എണ്ണവില കുത്തനെ കുറഞ്ഞ സാഹചര്യത്തിൽ വിവിധ സ്രോതസ്സുകളിൽനിന്ന്​ വരുമാനം കണ്ടെത്താനുള്ള നടപടികളുടെ ഭാഗമായാണ്​ വാറ്റ്​ നടപ്പാക്കാൻ ജി.സി.സി രാജ്യങ്ങൾ തീരുമാനിച്ചത്​. സർക്കാർ വരുമാനം വൈവിധ്യവത്​കരിച്ചും ആനുകൂല്യങ്ങൾ വെട്ടിക്കുറച്ചും ജി.സി.സിയിലെ സാമ്പത്തിക ഏകീകരണത്തിന്​ അന്താരാഷ്​​്ട്ര മോണിറ്ററിങ്​ ഫണ്ട്​ (​െഎ.എം.എഫ്​) ശിപാർ​ശ ചെയ്യുന്നുണ്ട്​. 
വാറ്റ്​ നടപ്പാക്കുന്നതിന്​ മുന്നോടിയായി കമ്പനികൾ ജി.സി.സി വാറ്റ്​ സംവിധാനത്തിന്​ കീഴിൽ രജിസ്​റ്റർ ചെ​യ്യേണ്ടിവരും. 18.7 ലക്ഷം ദിർഹത്തിനും 37.5 ലക്ഷം ദിർഹത്തിനും ഇടയിൽ വാർഷിക വരുമാനമുള്ള കമ്പനികളാണ്​ വാറ്റ്​ നടപ്പാക്കലി​​െൻറ ആദ്യ ഘട്ടത്തിൽ ഇൗ സംവിധാനത്തിന്​ കീഴിൽ രജിസ്​റ്റർ ചെയ്യേണ്ടത്​. ​ക്രമേണ എല്ലാ കമ്പനികൾക്കും രജിസ്​ട്രേഷൻ നിർബന്ധമാവും. 
പൂർണമായും വിദേശ ഉടമസ്​ഥതയിലുള്ളവ അടക്കമുള്ള ഫ്രീസോണിലെ കമ്പനികൾക്ക്​ നികുതി ബാധകമാക്കില്ല. കൂടാതെ 100 ഭക്ഷ്യവസ്​തുക്കൾ, ആരോഗ്യം, വിദ്യാഭ്യാസം, സൈക്കിളുകൾ, സാമൂഹിക സേവനങ്ങൾ എന്നിവയെ വാറ്റിൽനിന്ന്​ ഒഴിവാക്കിയിട്ടുണ്ട്​.