കെ.എം.സി.സി തളിപ്പറമ്പോത്സവ് 2017

ഷാര്‍ജ: കെ.എം.സി.സി തളിപ്പറമ്പ മണ്ഡലം കമ്മിറ്റിയുടെ  കീഴില്‍ ചെയ്യുന്ന ജീവകാരുണ്യ ആതുര സേവന പ്രവര്‍ത്തനങ്ങളോടപ്പം തന്നെ വിനോദത്തിനും വിജ്ഞാനത്തിനും ഊന്നല്‍ നല്‍കി നടത്തി വരുന്ന വിവിധങ്ങളായ പരിപാടികളുടെ ഭാഗമായി തളിപ്പറമ്പോത്സവ് 2017 എന്ന പേരില്‍  സൗഹ്യദ കൂട്ടായ്മ സംഘടിപ്പിക്കുന്നു. 
ഏപ്രില്‍ 21 വെള്ളിയാഴ്ച്ച രാവിലെ 10 മണി മുതല്‍ രാത്രി 10 മണിവരെ ഷാര്‍ജ യൂത്ത് സെന്‍റര്‍ ഓഡിറ്റോറിയത്തിലാണ് പരിപാടി. ഇതിന്‍െറ ബ്രോഷര്‍ പ്രകാശനം മുസ്ലിം യൂത്ത് ലീഗ് സംസ്ഥാന പ്രസിഡന്‍റ് പാണക്കാട് മുനവ്വറലി ശിഹാബ് തങ്ങള്‍ ഒ.കെ.സിറാജിന് നല്‍കി നിര്‍വഹിച്ചു.
ഇഖ്ബാല്‍ അള്ളാംകുളം അധ്യക്ഷത വഹിച്ചു. അബ്ദുല്ല ഫാറൂഖി , അഡ്വ കെ.വി.മുഹമ്മദ് കുഞ്ഞി, കെ.വി.ടി.അഷ്റഫ്, അഷ്റഫ് കൊമ്മച്ചി, സമീര്‍ പാട്ടയം സലാം മന്ന, ശിഹാബ് സി, അയ്യൂബ,് മുഹമ്മദലി, മുഹമ്മദ് മാട്ടുമ്മല്‍, ഷകീര്‍ കുപ്പം തുടങ്ങിയവര്‍ സംബന്ധിച്ചു.