നീല രാഷ്ട്രീയത്തിന് പ്രസക്തി വര്‍ധിച്ചു-സെമിനാര്‍

അജ്മാന്‍ : ജാതി ബോധം കൊണ്ട് അകറ്റി നിര്‍ത്തപ്പെട്ട ഇന്ത്യയിലെ ബഹു ഭൂരിപക്ഷം വരുന്ന പിന്നാക്ക വിഭാഗങ്ങള്‍  രാഷ്ര്ട്രീയപരമായ തിരിച്ചറിവുകള്‍ നേടികൊണ്ടിരിക്കുകയാണെന്നും നീല രാഷ്ട്രീയത്തിന് പ്രസക്തി വര്‍ധിച്ചു വരികയാണെന്നും ഇന്ത്യന്‍ സോഷ്യല്‍ സെന്‍റര്‍ സംഘടിപ്പിച്ച സെമിനാര്‍ വിലയിരുത്തി.
ഇ. കെ. ദിനേശന്‍ രചിച്ച ‘നീല  രാഷ്ട്രീയത്തിന്‍െറ ചുവപ്പ് വായന’ എന്ന പുസ്തകത്തെ അധികരിച്ച് സംഘടിപ്പിച്ചതായിരുന്നു സെമിനാര്‍ .  സോഷ്യല്‍ സെന്‍റര്‍ പ്രസിഡന്‍റ് ജാസിം മുഹമ്മദ് ഉദ്ഘാടനം ചെയ്തു.ഷാര്‍ളി ബെഞ്ചമിന്‍ പുസ്തകം പരിചയപ്പെടുത്തി.  റഫിക്ക് മേമുണ്ട,അന്‍വര്‍ കെ.എം, വിപിന്‍, രാജേഷ് വെങ്കിലാട്ട്, വി.കെ. ബേബി, സലിം നൂര്‍, പ്രഘോഷ്, കെ. വി. ഷാജി,  തുടങ്ങിയവര്‍ ചര്‍ച്ചയില്‍ പങ്കെടുത്തു. ചര്‍ച്ചക്ക് ഗ്രന്ഥകാരന്‍ മറുപടി പറഞ്ഞു.  ഇന്ത്യന്‍ സോഷ്യല്‍ സെന്‍റര്‍   ജനറല്‍ സെക്രട്ടറി
ഷിഹാബ് മലബാര്‍ സ്വാഗതവും ട്രഷറര്‍  കെ. എന്‍. ഗിരീശന്‍ നന്ദിയും പറഞ്ഞു.