ഉച്ചമുതൽ ആറു മണി ​വരെ വൈദ്യുതി, ജല ഉപയോഗം കുറക്കണമെന്ന്​ ദീവ 

ദുബൈ: വാഷിങ്​ മെഷീനിൽ അലക്കുന്നതും തുണികൾ ഇസ്​തിരി ഇടുന്നതും ഉച്ചകഴിഞ്ഞാണോ? എങ്കിൽ ആ സമയത്തിൽ ഒരു മാറ്റം വരുത്തണമെന്ന്​ ദുബൈ വൈദ്യുതി^ജല അതോറിറ്റി (ദീവ) അഭ്യർഥിക്കുന്നു. ഉച്ചക്ക്​ 12 മുതൽ ​ൈവകീട്ട്​ ആറു വരെയാണ്​ ഏറ്റവുമധികം വൈദ്യുതി ഉപയോഗം നടക്കുന്ന സമയം. ഇൗ നേരത്ത്​ ഉപയോഗം പരമാവധി നിയ​ന്ത്രിക്കാനാണ്​ നിർദേശം. വാഷിങ്​ മെഷീനും തേപ്പുപെട്ടിക്കും പുറമെ ഒവനുകൾ, എ.സി തുടങ്ങിയവയും അധിക വൈദ്യുതി വേണ്ടിവരുന്ന ഉപകരണങ്ങളാണ്​. അവധിക്കാലമാകയാൽ കുട്ടികളെയും ഇക്കാര്യം പറഞ്ഞു ശീലിപ്പിക്കണം. ‘നമുക്കീ വേനൽകാലം ഹരിതാഭമാക്കാം’ എന്ന പ്രമേയത്തിലാണ്​ ‘ദീവ’ കാമ്പയിൻ ഒരുക്കിയിരിക്കുന്നത്​. 2030 ആകു​േമ്പാഴേക്കും വൈദ്യുതി ഉപയോഗം 30 ശതമാനം കുറക്കുക എന്ന സമഗ്ര ഉൗർജ നയത്തി​​​െൻറ ഭാഗമാണ്​ ഇൗ കാമ്പയിനെന്ന്​ സി.ഇ.ഒ സഇൗദ്​ അൽ തയർ പറഞ്ഞു. വിവേകപൂർവമായ ജല വൈദ്യുതി ഉപയോഗം ശീലമാക്കാനും ​പ്രക​ൃതി വിഭവങ്ങളെ വരും തലമുറക്കായി കരുതിവെക്കാനും എല്ലാ കോണിൽ പെട്ട ആളുകളെയും സന്നദ്ധമാക്കുകയാണ്​ ലക്ഷ്യം. വർഷം തോറും നടത്തി വരുന്ന ഇൗ പ്രചാരണം ഗുണം ചെയ്യുന്നുണ്ട്​. 2009 മുതൽ കഴിഞ്ഞ വർഷം വരെ വൈദ്യുതിയുടെ ഗാർഹിക ഉപയോഗത്തിൽ19ശതമാനവും വെള്ളത്തി​​​െൻറത്​ 28ശതമാനവും കുറക്കാനായി.വ്യാവസായിക മേഖലയിൽ വൈദ്യുതി ഉപയോഗത്തിൽ10ഉം ജല ഉപയോഗത്തിൽ30 ഉം ശതമാനം കുറവു വന്നു.