ശൈഖ്​ മുഹമ്മദ്​ ബിൻ സായിദ്​ പള്ളി ഇനി യേശു മാതാവി​െൻറ പേരിൽ

അബൂദബി: മുഷ്​രിഫ്​ പ്രദേശത്തെ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ പള്ളിയുടെ പേര്​ ഇൗസയുടെ മാതാവ്​ മറിയം (യേശുവി​​​െൻറ മാതാവ്​ മേരി) പള്ളി എന്നാക്കി അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാൻ ഉത്തരവിട്ടു. വ്യത്യസ്​ത മതാനുയായികളുമായുള്ള സാമൂഹിക ബന്ധം പ്രോത്സാഹിപ്പിക്കാനും മതങ്ങൾക്കിടയിലെ പൊതുവായ കാര്യങ്ങളെ ​ശക്​തിപ്പെടുത്താനുമാണ്​ പള്ളിക്ക്​ മുസ്​ലിംകൾ ഇൗസ എന്നും ക്രിസ്​ത്യാനികൾ യേശുവെന്നും വിളിക്കുന്ന പ്രവാചക​​​െൻറ മാതാവി​​​െൻറ പേര്​ നൽകാൻ തീരുമാനിച്ചത്​. 
യു.എ.ഇയുടെ മാനുഷികതയും സഹിഷ്​ണുതയും സഹവർത്തിത്വവും പ്രതിഫലിപ്പിക്കുന്ന നടപടിക്ക്​ നിർദേശം നൽകിയ ശൈഖ്​ മുഹമ്മദ്​ ബിൻ സായിദിനെ യു.എ.ഇ സഹിഷ്​ണുതാകാര്യ സഹമന്ത്രി ശൈഖ ലുബ്​ന ബിൻത്​ ഖാലിദ്​ ആൽ ഖാസിമി അഭിനന്ദിച്ചു. ഒൗഖാഫ്​ ചെയർമാൻ ഡോ. മുഹമ്മദ്​ മതാർ ആൽ കഅബിയും നടപടിയെ അഭിനന്ദിച്ചു.