അബൂദബി കേരള സോഷ്യൽ സെൻറർ നവീകരണത്തിന്​  20 ലക്ഷം ദിർഹത്തി​െൻറ പദ്ധതി

അബൂദബി: തലസ്​ഥാനത്തെ മലയാളികളുടെ പ്രമുഖ കലാ  സാംസ്​കാരിക കൂട്ടായ്​മയായ കേരള സോഷ്യൽ സ​​െൻറർ വിപുല  സൗകര്യങ്ങളോടെ നവീകരിക്കുന്നു. സർക്കാർ അംഗീകാരത്തോടെ 1972 മുതൽ  കേരള ആട്സ്​  സ​​െൻറർ എന്ന പേരിൽ ആരംഭിച്ച   സംഘടന 1984 ലാണ് കേരള സോഷ്യൽ സ​​െൻറർ എന്ന പേര് സ്വീകരിച്ചത്.   മദീനാ സായിദിൽ നിലകൊള്ളുന്ന ഇപ്പോഴത്തെ ആസ്​ഥാനം   1996 ൽ അന്നത്തെ മുഖ്യമന്ത്രി  ഇ. കെ. നായനാരാണ്  ഉദ്​ഘാടനം ചെയ്​തത്.  
ആയിരത്തഞ്ഞൂറോളം ആളുകളെ ഉൾക്കൊള്ളുന്ന ഓപ്പൺ ഓഡിറ്റോറിയം, ആധുനിക സജ്ജീകരണങ്ങളോടു കൂടിയ സ്​റ്റേജ്, വിശാലമായ ഓഫീസുകൾ, പതിനായിരത്തോളം പുസ്​തകങ്ങളുള്ള ഗ്രന്​ഥാലയം, വായനശാല, ഗ്രീൻ റൂമുകൾ, മിനി ഓഡിറ്റോറിയം എന്നീ സൗകര്യങ്ങ​െളല്ലാമുണ്ടെങ്കിലും   പ്രതികൂല കാലാവസ്​ഥകളിൽ ഓപ്പൺ ഓഡിറ്റോറിയത്തിൽ പരിപാടികൾ സംഘടിപ്പിക്കുവാൻ കഴിയാത്ത സാഹചര്യത്തിലാണ്  സ​​െൻറററിനൊരു മേൽക്കൂര എന്ന ആശയം പ്രാവർത്തികമാക്കുന്നതെന്ന്   ആലോചനാ യോഗത്തിൽ പ്രസിഡൻറ്​ പി. പത്മനാഭൻ വ്യക്​തമാക്കി. 
ഇതിനായി കെ. ബി. മുരളി ചെയർമാനും പി. പത്മനാഭൻ ജനറൽ കൺവീനറും അബൂദബിയിലെ   അംഗീകൃത സംഘടനകളുടെ പ്രസിഡൻറുമാരായ തോമസ്​ ജോൺ (ഇന്ത്യാ സോഷ്യൽ ആൻറ്​ കൾച്ചറൽ സ​​െൻറർ), പി. ബാവഹാജി (ഇന്ത്യൻ ഇസ്​ലാമിക് സ​​െൻറർ), വക്കം ജയലാൽ (അബൂദബി മലയാളി സമാജം) എന്നിവർ വൈസ്​പ്രസിഡൻറുമാരുമായി വിപുലമായ കമ്മിറ്റിക്ക് രൂപം നൽകിയിട്ടുണ്ട്.
  യോഗത്തിൽ  നിർമ്മാണപ്രവർത്തനങ്ങളെ കുറിച്ച് ചെയർമാൻ കെ. ബി. മുരളിയും ടെക്നിക്കൽ കമ്മിറ്റി കൺവീനർ വി. പി. കൃഷ്ണകുമാറും വിശദീകരിച്ചു. നിലവിലെ സൗകര്യങ്ങൾ നിലനിർത്തിക്കൊണ്ടായിരിക്കും പ്രധാന ഓഡിറ്റോറിയത്തിന്​ മേൽക്കൂര പണിയുക. അതോടൊപ്പം മുകൾ നിലയിൽ വിശാലമായ രണ്ട് മുറികൾ പണിയും. 20 ലക്ഷം ദിർഹമാണ് നിർമ്മാണ ചിലവ് പ്രതീക്ഷിക്കുന്നത്.
 വിവിധ സംഘടനകളെ പ്രതിനിധീകരിച്ച് വക്കം ജയലാൽ (അബൂദബി മലയാളി സമാജം), സഫറുള്ള പാലപ്പെട്ടി (ശക്തി തിയറ്റേഴ്സ്​), ടി. എം. സലീം (ഫ്രണ്ട്സ്​ എ.ഡി.എം.എസ്​.), അനിൽ കുമാർ (യുവകലാ സാഹിതി), ജയപ്രകാശ് (കല അബൂദബി), എം. യു. ഇർഷാദ് (ഇന്ദിരാഗാന്ധി വീക്ഷണം ഫോറം), ശാന്തകുമാർ (കൈരളി കൾച്ചറൽ ഫോറം), ധനേഷ് കുമാർ (ഫ്രണ്ട്സ്​ ഓഫ് ശാസ്​ത്ര സാഹിത്യ പരിഷദ്), ഫാറൂഖ് (ഐ.എം.സി.സി), ഇന്ദ്ര തയ്യിൽ (വടകര എൻ.ആർ.ഐ. ഫോറം). ഇടവ സൈഫ്, എ. കെ.ബീരാൻ കുട്ടി, നടരാരാജൻ, എൻ.വി. മോഹനൻ, കെ. ജി. സുകുമാരൻ. നാസർ ടി. എ., കെ.വി. രാജൻ, കെ. വി. ബഷീർ, എസ്​. മണിക്കുട്ടൻ, കെ. ബി. ജയൻ, ബഷീർ ഷംനാദ് എന്നിവർ സംസാരിച്ചു.   ജനറൽ സെക്രട്ടറി ടി. കെ. വിനോദ് സ്വാഗതവും വൈസ്​ പ്രസിഡൻറ്​ ചന്ദ്രശേഖരൻ നന്ദിയും പറഞ്ഞു.