കയര്‍ കഴുത്തില്‍ കുടുങ്ങി  മൂന്ന് വയസുകാരന്‍ മരിച്ചു

ഷാര്‍ജ: ഷാര്‍ജയുടെ ഉപനഗരമായ കല്‍ബയില്‍ കളിക്കുന്നതിനിടയില്‍ കയര്‍ കഴുത്തില്‍ കുടുങ്ങി അപകടത്തില്‍പ്പെട്ട മൂന്ന് വയസുകാരന്‍ മരിച്ചു. കഴിഞ്ഞ ക്രിസ്മസ് ദിനത്തിലാണ് അപകടം നടന്നത്. വീടിന് പുറത്ത് കളിക്കുന്നതിനിടയിലാരുന്നു അപകടം. എന്നാല്‍ കയര്‍ കുട്ടിയുടെ കഴുത്തില്‍ കുടുങ്ങാനുണ്ടായ സാഹചര്യം അജ്ഞാതമാണ്. പൊലീസ് ഇതുമായി ബന്ധപ്പെട്ട് അന്വേഷണം ആരംഭിച്ചിട്ടുണ്ട്. വീട്ട് ജോലിക്കാരെ പൊലീസ് ചോദ്യം ചെയ്തു. അപകടത്തില്‍പ്പെട്ട കുട്ടിയെ ആദ്യം കല്‍ബയിലെയും ഫുജൈറയിലെയും ആശുപത്രികളില്‍ പ്രവേശിപ്പിച്ചു. 
ഇവിടെ നിന്ന് മെച്ചപ്പെട്ട ചികിത്സക്കായി അബുദബിയിലേക്ക് കൊണ്ട് പോകുകയായിരുന്നു. ബുധനാഴ്ചയാണ് കുട്ടി മരിച്ചത്.