അല്‍ഐന്‍ സമാജം  ഫുട്ബാള്‍ ടൂര്‍ണമെന്‍റ് 

അല്‍ഐന്‍: അല്‍ഐന്‍  മലയാളി സമാജം സ്കൂള്‍ വിദ്യാര്‍ഥികള്‍ക്കായി ‘സമാജം വേള്‍ഡ് ലിങ്ക്’ ഫൈവ് എ സൈഡ് ഫുട്ബാള്‍ ടൂര്‍ണമെന്‍റ് സംഘടിപ്പിച്ചു. 
 ഇന്ത്യന്‍ സോഷ്യല്‍ സെന്‍റര്‍ മൈതാനത്ത് നടന്ന ടൂര്‍ണമെന്‍റില്‍ ജൂനിയര്‍, സീനിയര്‍, സൂപ്പര്‍ സീനിയര്‍ വിഭാഗങ്ങളിലായി യഥാക്രമം അന്നൊന്‍ എഫ്.സി, ടൈറ്റാന്‍ എഫ്.സി, ഫ്രന്‍ഡ്സ് അല്‍ഐന്‍ ടീമുകള്‍ വിജയിച്ചു.
വിജയികള്‍ക്ക് ഇന്ത്യ സോഷ്യല്‍ ആന്‍ഡ് കള്‍ച്ചറല്‍ സെന്‍റര്‍ ജനറല്‍ സെക്രട്ടറി  റസല്‍ മുഹമ്മദ് സാലി, സ്പോര്‍ട്സ് സെക്രട്ടറി ജുനൈദ്, വേള്‍ഡ് ലിങ്ക്  ഓട്ടോ സെന്‍റര്‍ മാനേജിങ് ഡയറക്ടര്‍ ശംസുദ്ദീന്‍, ശിവദാസ്, ഷാജി ഖാന്‍, മുജീബ്, ജിതേഷ്, സലിം ബാബു, ജയേഷ്  എന്നിവര്‍ സമ്മാനവിതരണം നടത്തി.
സമാപന സമ്മേളനത്തില്‍  സമാജം ട്രഷറര്‍ വേണു അധ്യക്ഷത വഹിച്ചു. സെക്രട്ടറി ജസീം സ്വാഗതവും സ്പോര്‍ട്സ് സെക്രട്ടറി റിയാസ് നന്ദിയും പറഞ്ഞു.