‘തെന്നല്‍ യു.എ.ഇ’ നാട്ടുകൂട്ടവും  സര്‍ഗസന്ധ്യയും

അജ്മാന്‍: യു.എ.ഇയില്‍ വസിക്കുന്ന തെന്നലക്കാരുടെ കൂട്ടായമയായ ‘തെന്നല്‍ യു.എ.ഇ’ ഒരുക്കിയ  നാട്ടുകൂട്ടവും സര്‍ഗസന്ധ്യയും അജ്മാനിലെ ഗ്രാന്‍ഡ് മാര്‍ട്ട് ഹൈപ്പര്‍ മാര്‍ക്കറ്റില്‍ ഉത്സവചായ തീര്‍ത്തു. വെള്ളിയാഴ്ച രണ്ടു മണി മുതല്‍ രാത്രി പത്ത് മണി വരെ നടന്ന വര്‍ണാഭമായ ചടങ്ങില്‍ നാടിന്‍െറ നന്മ മരം തീര്‍ക്കാന്‍ യു.എ.ഇയുടെ വിദൂര ദേശങ്ങളില്‍ വസിക്കുന്ന തെന്നലക്കാര്‍ പോലും അണിചേര്‍ന്നു. റേഡിയോ ആര്‍.ജെ മെലീനാ പ്രിയയുടെ പ്രചോദന സെഷനോടെയാണ് തുടക്കം കുറിച്ചത്.തുടര്‍ന്ന് ചരിത്ര, സാംസ്കാരിക സെമിനാര്‍ നടന്നു. മാധ്യപ്രവര്‍ത്തകരായ നിസാര്‍ സെയ്ദ്, എം.സി.എ നാസര്‍ എന്നിവര്‍ സംസാരിച്ചു. സാമൂഹിക പ്രവര്‍ത്തകന്‍ അഷ്റഫ് താമരശ്ശേരി, തോണ്ടാലി ഹംസ മദനി, തോട്ടോളി ബാവ എന്നിവരെചടങ്ങില്‍ ആദരിച്ചു. തുടര്‍ന്ന് തെന്നലക്കാര്‍ അവതരിപ്പിച്ച കലാ പരിപാടികളും അരങ്ങേറി.