റിയല്‍ അബൂദബി  വീണ്ടും ജേതാക്കള്‍

ദുബൈ: മൂന്നാമത് ജിംഖാന  നാലപ്പാട് ട്രോഫി അഖിലേന്ത്യാ ഫുട്ബാള്‍ ടൂര്‍ണമെന്‍റില്‍ ടൈബ്രേക്കറിലൂടെ വളപ്പില്‍  ബുള്‍സിനെ  കീഴടക്കി റിയല്‍ അബൂദബി  രണ്ടാമതും  ട്രോഫി കരസ്ഥമാക്കി.നിശ്ചിത സമയത്ത് ഗോള്‍രഹിത സമനിലയായിരുന്നു.
കേരളം,തമിഴ്നാട്, കര്‍ണാടക, ഗോവ, മഹാരാഷ്ട്ര തുടങ്ങിയ  സംസ്ഥാനങ്ങളില്‍  നിന്നുള്ള   പ്രമുഖ  ടീമുകള്‍  മത്സരിച്ച   ടൂര്‍ണമെന്‍റില്‍ മത്സരങ്ങള്‍ വാശിയേറിയതായിരുന്നു.  ടൂര്‍ണമെന്‍റിലെ മികച്ച കളിക്കാരനായി  വളപ്പില്‍  ബുള്‍സിന്‍െറ ഷിഹാബുദീനും മികച്ച ഗോളിനുടമയായി അസ്ഹറുദീനും നല്ല  ഫോര്‍വേഡായി റിയല്‍ അബൂദബിയുടെ ജുനൈദും ഗോള്‍കീപ്പറായി കാസ്റ്റല്‍ ബോയ്സ് മുംബൈയുടെ ആല്‍ബെര്‍ട്ടും  ഡിഫന്‍ഡറായി   ബിജുവും തെരഞ്ഞെടുക്കപ്പെട്ടു.
സമാപന  പരിപാടിയില്‍ അബ്ദുല്ല നാലപ്പാട്   ജേതാക്കള്‍ക്ക്   ട്രോഫി  സമ്മാനിച്ചു.