മലയാളി വിദ്യാര്‍ഥി ദുബൈയില്‍  അപകടത്തില്‍ മരിച്ചു

ദുബൈ: ദുബൈ അല്‍ഖുദ്റയിലുണ്ടായ വാഹന അപകടത്തില്‍ പത്തനംതിട്ട സ്വദേശിയായ വിദ്യാര്‍ഥി മരിച്ചു. ദുബൈയിലെ ഇന്‍സ്റ്റിറ്റ്യൂട്ട് ഓഫ് മാനേജ്മെന്‍റ് ടെക്നോളജി വിദ്യാര്‍ഥി ക്രിസ്റ്റിന്‍ ചെറിയാന്‍ ജോസഫ് (21) ആണ് വ്യാഴാഴ്ച രാത്രി നടന്ന അപകടത്തില്‍ മരിച്ചത്. ദുബൈയിലെ ബിസിനസുകാരന്‍ കോന്നി പയ്യാനാമണ്‍ കോയിക്കല്‍  ചെറിയാന്‍ ജോസഫിന്‍െറയും അല്‍ ലത്തീഫ ആശുപത്രി നഴ്സ് അന്നമ്മയുടെയും മകനാണ്. ദുബൈ ഐ.എം.ടിയില്‍ ബി.എ വിദ്യാര്‍ഥിയായിരുന്നു.  സഹോദരി: ക്രിസ്റ്റി റേച്ചല്‍ ജോസഫ്. ഷാര്‍ജ ഇന്ത്യന്‍ സ്കൂളിലായിരുന്നു ക്രിസ്റ്റിന്‍െറ സ്കൂള്‍ പഠനം.