കോല്‍ക്കളി-കളരിപ്പയറ്റ് കലാകാരന്മാര്‍ക്ക് സ്വീകരണം നല്‍കി

അബൂദബി: യു.എ.ഇ പര്യടനത്തിനത്തെിയ പയ്യന്നൂര്‍ ഗ്രാമം പ്രതിഭയുടെ കോല്‍ക്കളി-കളരിപ്പയറ്റ് കലാകാരന്മാര്‍ക്ക് പയ്യന്നൂര്‍ സൗഹൃദ വേദി അബൂദബിയില്‍ സ്വീകരണം നല്‍കി. 
കേരള സോഷ്യല്‍ സെന്‍ററില്‍ (കെ.എസ്.സി) നടന്ന പരിപാടിയില്‍ പയ്യന്നൂര്‍ സൗഹൃദ വേദി പ്രസിഡന്‍റ് വി.കെ. ഷാഫി അധ്യക്ഷത വഹിച്ചു. കെ.എസ്.സി പ്രസിഡന്‍റ് പി. പദ്മനാഭന്‍, അബൂദബി മലയാളി സമാജം പ്രസിഡന്‍റ് യേശുശീലന്‍, ഇന്ത്യന്‍ ഇസ്ലാമിക് സെന്‍റര്‍ ജനറല്‍ സെക്രട്ടറി ഉസ്മാന്‍ കരപ്പാത്, എം. അബ്ദുല്‍ സലാം, സുരേഷ് പയ്യന്നൂര്‍ തുടങ്ങിയവര്‍ സംസാരിച്ചു. 
ഗ്രാമം പ്രതിഭയുടെ പ്രസിഡന്‍റ് പി.യു. രാജന് വി.കെ. ഷാഫി മെമെന്‍േറാ നല്‍കി.  സംഘത്തോടൊപ്പം എത്തിയ വില്‍പന നികുതി പ്രാക്ടീഷണേഴ്സ് അസോസിയേഷന്‍ സംസ്ഥാന പ്രസിഡന്‍റ് വിി.ടി.വി. രാഘവനെ ചടങ്ങില്‍ പൊന്നാട അണിയിച്ചു. ബി. ജ്യോതിലാല്‍ സ്വാഗതവും പി. ജ്യോതിഷ് കുമാര്‍ നന്ദിയും പറഞ്ഞു.