അഭിമാനമായി ഫെബി​െൻറ  പുരസ്​കാരനേട്ടം

ദുബൈ: അനേകലക്ഷം സ്വദേശികളുടെയൂം പ്രവാസികളുടെയുമെന്ന പോലെ ഫെബിൻ മുഹമ്മദ്​ ബഷീറി​​െൻറയും ചെറുപ്പം മുതലുള്ള മോഹമായിരുന്നു യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമിനെ ഹസ്​തദാനം ചെയ്യണമെന്ന്​. 
കഴിഞ്ഞ ദിവസം ആ ആ​ഗ്രഹം സഫലമായത്​ അ​പ്രതീക്ഷിതവും അവിശ്വസനീയവുമായ രീതിയിലാണ്​.  എമിറേറ്റിലെ ഒാരോ സർക്കാർ^അർധ സർക്കാർ ജീവനക്കാരുടെയും സ്വപ്​നമായ ദുബൈ ഗവർമ​െൻറ്​ എക്​സലൻസ്​ അവാർഡ്​ ഏറ്റുവാങ്ങാനാണ്​ ഫെബിൻ ശൈഖ്​ മുഹമ്മദി​​െൻറ അരികിലെത്തിയത്​.
വ്യോമയാന സ്​ഥാപനമായ ഏറോ ഗൾഫിലെ പി.ആർ.ഒ ചാവക്കാട്​ പാലുവായ്​ രായമ്മരക്കാർ വീട്ടിൽ ബഷീറി​​െൻറയും സഫിയയുടെയും മകനായ ഇൗ 27 കാരൻ  ദുബൈ ചേംബർ ഒഫ്​ കൊമേഴ്​സി​​െൻറ നിയമ കാര്യ വകുപ്പിൽ സർവീസ്​ അസിസ്​റ്റൻറാണ്​.  പ്രത്യേക പരിചരണം ആവശ്യമുള്ള കുട്ടിയായിരുന്ന ഫെബിൻ അൽ നൂർ സ്​കൂൾ മുഖേന ലഭിച്ച വിദ്യാഭ്യാസവും തൊഴിൽ പരിശീലനവും പൂർത്തിയാക്കി ഏഴു വർഷം മുൻപാണ്​ ചേംബറിൽ നിയമനം നേടിയത്​. 
അൺഫോർസീൻ ഹീറോ വിഭാഗത്തിലാണ്​ പുരസ്​കാരം. ആർക്കുവേണ്ടിയും തന്നെക്കൊണ്ടാവുന്ന സഹായങ്ങളെന്തും സന്നദ്ധനായ മകൻ  ദുരിതമനുഭവിക്കുന്നവർക്ക്​ സഹായമെത്തിക്കാൻ തങ്ങളേയും പ്രേരിപ്പിക്കുമെന്ന്​ ഉമ്മ സഫിയ പറയുന്നു. ഏൽപ്പിക്കുന്ന ജോലികൾ കൃത്യതയോടെ ചെയ്​തും  സഹജീവികളോടും ഹൃദ്യമായി പെരുമാറിയും ഏവരുടെയും മനസു കീഴടക്കിയ ഫെബി​​െൻറ നേട്ടത്തിൽ മേലുദ്യോഗസ്​ഥർക്കും സഹപ്രവർത്തകർക്കും നിറ സന്തോഷം. ഷെറിൻ ഷെഹീൻ, ഫർസീന എന്നിവരാണ്​ സഹോദരങ്ങൾ.