ബിഗ്​ ടിക്കറ്റ്​ വീണ്ടും മലയാളിക്ക്​; സമ്മാനം 17.60 കോടി രൂപ

അബൂദബി: അബൂദബി ബിഗ് ടിക്കറ്റ് നറുക്കെടുപ്പിൽ മലയാളിക്ക് വീണ്ടും സമ്മാനം. ബുധനാഴ്ച രാവിലെ അബൂദബി അന്താരാഷ്ട്ര വിമാനത്താവളത്തിൽ നടത്തിയ നറുക്കെടുപ്പിൽ കോഴിക്കോട്ടുകാരിയായ ഡോ. നിഷിത രാധാകൃഷ്ണ പിള്ളയാണ് സമ്മാനർഹയായത്. പത്ത് ലക്ഷം ദിർഹം (ഏകദേശം 17.60 േകാടി രൂപ) ആണ് ഇവർക്ക് ലഭിക്കുക.
മാർച്ച് അഞ്ചിന് നടന്ന ബിഗ് ടിക്കറ്റ് നറുക്കെടുപ്പിൽ മലയാളിയായ ശ്രീരാജ് കൃഷ്ണൻ കോപ്പറമ്പിലിന് ഏഴ് ലക്ഷം ദിർഹം സമ്മാനം ലഭിച്ചിരുന്നു. 
യു.എ.ഇയിൽ രണ്ട് വർഷമായി പീഡിയാട്രീഷ്യനായി പ്രവർത്തിക്കുന്ന നിഷിത രാധാകൃഷ്ണ പിള്ള ഫെലോഷിപ്പുമായി ബന്ധപ്പെട്ട് ഇപ്പോൾ യു.എസിലാണുളളത്. ഭർത്താവാണ് ഇവരുടെ പേരിൽ ഒാൺലൈൻ മുഖേന ടിക്കറ്റ് എടുത്തത്. രണ്ട് കുട്ടികളാണ് ഇവർക്കുള്ളത്.