എന്‍ജിന്‍ തകരാര്‍; ഇത്തിഹാദ്  വിമാനം തിരിച്ചിറക്കി

അബൂദബി: അബൂദബി അന്താരാഷ്ട്ര വിമാനത്താവളത്തില്‍നിന്ന് പറന്നുപൊത്തിയ ഇത്തിഹാദ് വിമാനം എന്‍ജിന്‍ തകരാറിനെ തുടര്‍ന്ന് അടിയന്തരമായി തിരിചിറക്കി. സിഡ്നിയിലേക്കുള്ള ഇ.വൈ 450 വിമാനമാണ്  ബുധനാഴ്ച ഉച്ചക്ക് 12ഓടെ തിരിച്ചിറക്കിയത്. 
ടേക്ഓഫ് ചെയ്ത് 32 മിനിട്ടിന് ശേഷമാണ് എന്‍ജിനുകളിലൊന്നില്‍ തകരാറിലായതെന്ന് പൈലറ്റിന് മനസ്സിലായത്. വിമാനത്തില്‍ 329 യാത്രക്കാരുണ്ടായിരുന്നു.
സംഭവത്തെ തുടര്‍ന്ന് മറ്റു ചില വിമാനങ്ങളുടെ യാത്രയില്‍ തടസ്സങ്ങളുണ്ടായതായി വിമാനത്താവള അധികൃതര്‍ പറഞ്ഞു. ഒരു വിമാനം ഷാര്‍ജയിലേക്കും മറ്റൊന്ന് അല്‍ ബതീന എക്സിക്യൂട്ടീവ് വിമാനത്താവളത്തിലേക്കും തിരിച്ചുവിട്ടു. 12.50ഓടെ വിമാനത്താവള പ്രവര്‍ത്തനം സാധാരണ നിലയിലായതായും അധികൃതര്‍ പറഞ്ഞു.