ഐ.ഐ.സി 165 വിദ്യാര്‍ഥികളെ ആദരിച്ചു

അബൂദബി: അബൂദബി ഇന്ത്യന്‍ ഇസ്ലാമിക് സെന്‍റര്‍ (ഐ.ഐ.സി) അബൂദബിയിലെ 11 സ്കൂളുകളില്‍നിന്നുള്ള 165ഓളം മികച്ച വിദ്യാര്‍ഥികളെ ആദരിച്ചു. 10, 12 ക്ളാസുകളില്‍ എല്ലാ വിഷയത്തിലും എ ഗ്രേഡ് നേടിയവരെയാണ് ഉപഹാരവും മെഡലുകളും നല്‍കി ആദരിച്ചത്. 
ഇന്ത്യന്‍ എംബസി ഫസ്റ്റ് സെക്രട്ടറി കപില്‍ രാജ് ഉദ്ഘാടനം നിര്‍വഹിച്ചു. സിനാന്‍ നൂറുല്ല ഖിറാഅത്ത് നടത്തി. വിദ്യാഭ്യാസ വകുപ്പ് സെക്രട്ടറി ശഫീഖ് ഉദ്ബോധനം നടത്തി. പ്രസിഡന്‍റ് ബാവഹാജി അധ്യക്ഷത വഹിച്ചു. ജനറല്‍ സെക്രട്ടറി മൊയ്തുഹാജി കടന്നപ്പള്ളി സ്വാഗതവും ട്രഷറര്‍ എം.പി.എം. റഷീദ് നന്ദിയും പറഞ്ഞു.
ഇസ്ലാമിക് സെന്‍റര്‍, കെ.എം.സി.സി. സുന്നി സെന്‍റര്‍ നേതാക്കളായ ഉസ്മാന്‍ കരപ്പാത്ത്, ടി. അബ്ദുസ്സലാം, യു. അബ്ദുല്ല ഫാറൂഖി, കെ.വി. ഹംസ മുസ്ലിയാര്‍, വി.എം. ഉസ്മാന്‍ഹാജി, അബ്ദുറഹ്മാന്‍ തങ്ങള്‍, ബഷീര്‍ പുതുപ്പറമ്പ്, സാബിര്‍ മാട്ടൂല്‍, അബ്ദുല്‍ ബാസിത്, വി. ബീരാന്‍കുട്ടി, എം.പി. മമ്മിക്കുട്ടി മുസ്ലിയാര്‍ എന്നിവര്‍ സംബന്ധിച്ചു.