പി.സി. ജോര്‍ജ് ജാസിമിന്‍െറ വസതി സന്ദര്‍ശിച്ചു

റാസല്‍ഖൈമ: ജനപക്ഷ നേതാവും പൂഞ്ഞാര്‍ എം.എല്‍.എയുമായ പി.സി. ജോര്‍ജ് ദുബൈ വിമാന ദുരന്തത്തില്‍ രക്തസാക്ഷിയായ ജാസിം ഈസ ബലൂഷിയുടെ റാസല്‍ഖൈമയിലെ വസതി സന്ദര്‍ശിച്ചു. കുടുംബാംഗങ്ങളെ അനുശോചനമറിയിച്ച അദ്ദേഹം ദു$ഖത്തില്‍ പങ്കുചേരുന്നതായും മലയാളി സമൂഹം  കുടുംബത്തിനൊപ്പമുണ്ടെന്നും ജാസിമിന്‍െറ പിതാവിനോട് പറഞ്ഞു. ജാസിമിന്‍െറ പിതാവിന് ഉപഹാരം സമര്‍പ്പിച്ച ശേഷമാണ് പി.സി. ജോര്‍ജ് മടങ്ങിയത്. യു.എ.ഇയിലെ ജനപക്ഷ ഭാരവാഹികളായ സല്‍ജിന്‍, നിക്സന്‍, സഹീര്‍, നസര്‍, അജ്മല്‍, ബിബിന്‍, അനു, ഷിഹാബുദ്ദീന്‍, അജിത്കുമാര്‍ തുടങ്ങിയവരും എം.എല്‍.എക്കൊപ്പമുണ്ടായിരുന്നു.