ലോകത്തെ ആദ്യ സഹിഷ്ണുതാ  അവകാശ പത്രികയുമായി യു.എ.ഇ

അബൂദബി: സഹിഷ്ണുത, സമാധാനം, സഹവര്‍ത്തിത്വം എന്നിവ വ്യാപിപ്പിക്കുക എന്ന ലക്ഷ്യത്തോടെ യു.എ.ഇ സഹിഷ്ണുതാ അവകാശ പത്രിക പുറത്തിറക്കി. ലോകത്ത് ഇത്തരമൊരു അവകാശ പത്രിക പുറത്തിറക്കുന്ന ആദ്യ രാജ്യമാണ് യു.എ.ഇ. 
ജനങ്ങള്‍ക്കിടയില്‍ സഹവര്‍ത്തിത്വവും സഹിഷ്ണുതയും പ്രോത്സാഹിപ്പിക്കുന്നതില്‍ മാധ്യമങ്ങള്‍ക്ക് വലിയ പങ്കാണ് വഹിക്കാനുള്ളതെന്ന് അവകാശ പത്രിക പുറത്തിറക്കിക്കൊണ്ട് യു.എ.ഇ സഹിഷ്ണുതാ സഹമന്ത്രി ശൈഖ ലുബ്ന ആല്‍ ഖാസിമി പറഞ്ഞു. ലോകത്തെ ആദ്യ സഹിഷ്ണുതാ മന്ത്രിയാണ് ശൈഖ ലുബ്ന ആല്‍ ഖാസിമി.