കിണറ്റില്‍ വീണ് മൂന്ന് കുട്ടികള്‍ മരിച്ചു

അല്‍ ഐന്‍: പൂച്ചയുമായി കളിക്കുന്നതിനിടെ കിണറ്റില്‍ വീണ് മൂന്ന് കുഞ്ഞുങ്ങള്‍ മരിച്ചു. അല്‍ ഐന്‍ നാഇഫ് ഭാഗത്ത് താമസിക്കുന്ന സ്വദേശി കുടുംബങ്ങളിലെ കുട്ടികളാണ് മരിച്ചത്. പൂച്ചക്കുട്ടിയുമായി കളിക്കുകയായിരുന്നു അടുത്ത വീടുകളിലെ മൂന്നും നാലും വയസുള്ള കുഞ്ഞുങ്ങള്‍. 
പൂച്ചക്ക് പിറകെ ഓടുന്നതിനിടെ കിണര്‍ മൂടിയിരുന്ന മരത്തട്ട് പൊളിഞ്ഞു വീണാണ് അപകടമെന്നാണ് വിവരം. വിവരമറിഞ്ഞ് സിവില്‍ ഡിഫന്‍സ് സംഘം എത്തിയെങ്കിലും മൂന്നു മരണം സംഭവിച്ചിരുന്നു. 
എന്നാല്‍ ഒരു കുഞ്ഞിനെ രക്ഷിക്കാനായി.