തിരുവപ്പന മഹോത്സവം സമാപിച്ചു

ദുബൈ: രണ്ടു ദിവസത്തെ മുത്തപ്പന്‍ തിരുവപ്പന മഹോത്സവം വര്‍ണാഭ ചടങ്ങുകളോടെ  സമാപിച്ചു . ഷാര്‍ജ എക്സ്പോ സെന്‍ററില്‍ നടന്ന ആഘോഷ പരിപാടിയില്‍ വിവിധ എമിറേറ്റുകളില്‍ നിന്നായി നൂറുകണക്കിന് ഭക്തര്‍ പങ്കെടുത്തു. തുടര്‍ച്ചയായി പത്താം വര്‍ഷമാണ് ദുബൈയില്‍ മുത്തപ്പന്‍ തിരുവപ്പന മഹോത്സവം കൊണ്ടാടുന്നത്.   വ്യാഴാഴ്ച്ച  പുലര്‍ച്ചെ ഭദ്രദീപം തെളിയിക്കല്‍ ,ഗുളികന്‍ കലശം വെപ്പ് തുടങ്ങിയ ചടങ്ങുകളോടെയാണ് ഈ വര്‍ഷത്തെ മുത്തപ്പന്‍ മഹോത്സവത്തിന് തുടക്കമായത് .  രണ്ടാം ദിവസം  തിരുവപ്പന്‍ വെള്ളട്ടത്തോടെയാണ് ആരംഭിച്ചത്  . പള്ളിവേട്ട , മുടി അഴിക്കല്‍ ചടങ്ങ് എന്നിവയുമുണ്ടായി.  എല്ലാ ദിവസവും   മൂന്ന് നേരം അന്നദാനവും  പ്രസാദ വിതരണവും ഉണ്ടായിരുന്നു  .  പോര്‍ച്ചുഗല്‍ സ്വദേശി  മദീനത്ത് തയാറാക്കിയ   തെയ്യ ചിത്രങ്ങളുടെ പ്രദര്‍ശനം ആകര്‍ഷകമായി.  മലബാറില്‍ നിന്നുള്ള പത്ത് തെയ്യം കലാകാരന്‍മാരും ഇക്കുറി എത്തിയിരുന്നു.