പാര്‍ലമെന്‍ററി രംഗത്ത് 25 വര്‍ഷം: ഇ. അഹമ്മദ് എം.പിയെ ആദരിച്ചു

ദുബൈ: പാര്‍ലമെന്‍്ററി രംഗത്ത് 25 വര്‍ഷം പൂര്‍ത്തിയാക്കിയ ഇന്ത്യന്‍ യൂണിയന്‍ മുസ്ലിം ലീഗ് ദേശീയ പ്രസിഡന്‍റും മുന്‍ വിദേശ കാര്യ സഹ മന്ത്രിയുമായ ഇ. അഹമ്മദ് എം.പിയെ യു.എ.ഇ കെ.എം.സി.സി നാഷണല്‍ കമ്മിറ്റി ആദരിച്ചു. 
ദുബൈയിലെ ഹോട്ടലില്‍ സംഘടിപ്പിച്ച പ്രൗഢമായ ഇഫ്താര്‍ സംഗമത്തിലാണ് അദ്ദേഹത്തെ ആദരിച്ചത്. പ്രസിഡന്‍റ് പുത്തൂര്‍ റഹ്മാന്‍െറ അധ്യക്ഷതയില്‍ നടന്ന ചടങ്ങില്‍ ജന.സെക്രട്ടറി ഇബ്രാഹിം എളേറ്റില്‍ സ്വാഗതം പറഞ്ഞു. അസ്ലം ബിന്‍ മുഹിയുദ്ദീന്‍െറ മകന്‍ മുഹമ്മദ് ബിന്‍ അസ്ലം ഉപഹാരം സമര്‍പ്പിച്ചു. ദുബൈയിലെ ഇന്ത്യന്‍ ഡെപ്യൂട്ടി കോണ്‍സുല്‍ ജനറല്‍ കെ. മുരളീധരന്‍, പി.പി ശശീന്ദ്രന്‍, അഷ്റഫ് പള്ളിക്കണ്ടം, പി.കെ.എ കരീം, സൂപ്പി പാതിരിപ്പറ്റ, അഡ്വ. ഒ.വൈ അഹമ്മദ് ഖാന്‍ തുടങ്ങിയവര്‍ ചടങ്ങില്‍ സന്നിഹിതരായി. നിസാര്‍ തളങ്കര നന്ദി പറഞ്ഞു. വിവിധ എമിറേറ്റുകളിലെ കെ.എം.സി.സി നേതാക്കളും മാധ്യമ,വ്യാവസായിക, സാംസ്കാരിക രംഗങ്ങളിലെ പ്രമുഖരും ചടങ്ങില്‍ സംബന്ധിച്ചു.