ദുബൈ സെന്‍റ് തോമസ് പള്ളിയില്‍ പെരുന്നാളിന് കൊടിയേറി

ദുബൈ: സെന്‍റ് തോമസ് ഓര്‍ത്തഡോക്സ് കത്തീഡ്രലില്‍  ഇടവക പെരുന്നാളിന് കൊടിയേറി. പെരുന്നാള്‍ ശുശ്രൂഷകള്‍ക്ക് മലങ്കര ഓര്‍ത്തഡോക്സ് സഭയുടെ പരമാധ്യക്ഷന്‍ പരിശുദ്ധ ബസ്സേലിയോസ് മാര്‍ത്തോമ്മാ പൗലോസ് ദ്വിതീയന്‍ കാതോലിക്കാ ബാവാ, ബാംഗ്ളൂര്‍ ഭദ്രാസനാധിപന്‍ ഡോ. ഏബ്രഹാം മാര്‍ സെറാഫിം മെത്രാപ്പോലീത്താ എന്നിവര്‍ കാര്‍മ്മികത്വം വഹിക്കും.
28 ചൊവ്വാഴ്ച വൈകിട്ട് 6:30ന് സന്ധ്യാ നമസ്കാരം. തുടര്‍ന്നു മലങ്കര ഓര്‍ത്തഡോക്സ് സഭയുടെ പരമാധ്യക്ഷന്‍ പരിശുദ്ധ ബസ്സേലിയോസ് മാര്‍ത്തോമ്മാ പൗലോസ് ദ്വിതീയന്‍ കാതോലിക്കാ ബാവായുടെ മുഖ്യ കാര്‍മികത്വത്തില്‍ വിശുദ്ധ കുര്‍ബ്ബാന.
 30 വ്യാഴം വൈകിട്ട് ഏഴിന് സന്ധ്യാ നമസ്കാരം, തുടര്‍ന്നു വചന ശുശ്രൂഷക്കു ബാംഗ്ളൂര്‍ ഭദ്രാസനാധിപന്‍ ഡോ. ഏബ്രഹാം മാര്‍ സെറാഫിം മെത്രാപ്പോലീത്താ നേതൃത്വം നല്‍കും.
ജൂലൈ ഒന്ന് വെള്ളി രാവിലെ 7:15ന് പ്രഭാത നമസ്കാരം, തുടര്‍ന്നു  ബാംഗ്ളൂര്‍ ഭദ്രാസനാധിപന്‍ ഡോ. ഏബ്രഹാം മാര്‍ സെറാഫിം മെത്രാപ്പോലീത്തായുടെ മുഖ്യ കാര്‍മ്മികത്വത്തില്‍ വിശുദ്ധ കുര്‍ബ്ബാന.
ശനി വൈകിട്ട്  6:30ന് സന്ധ്യാ നമസ്കാരം, തുടര്‍ന്നു വചന ശുശ്രൂഷ, ധൂപ പ്രാര്‍ത്ഥന, പ്രദക്ഷിണം, പെരുന്നാള്‍ വാഴ്വ്, സ്നേഹ വിരുന്ന്.
ഞായര്‍ വൈകിട്ട്  6:30ന് സന്ധ്യാ നമസ്കാരം, തുടര്‍ന്നു  ബാംഗ്ളൂര്‍ ഭദ്രാസനാധിപന്‍ ഡോ. ഏബ്രഹാം മാര്‍ സെറാഫിം മെത്രാപ്പോലീത്തായുടെ മുഖ്യ കാര്‍മ്മികത്വത്തില്‍ വിശുദ്ധ മൂന്നിന്‍മേല്‍ കുര്‍ബാന, പെരുന്നാള്‍ വാഴ്വ്, നേര്‍ച്ച വിളമ്പോടു കൂടി പെരുന്നാള്‍ ശുശ്രൂഷകള്‍ സമാപിക്കും.
പെരുന്നാളിന്‍െറ ഒരുക്കങ്ങള്‍ പൂര്‍ത്തിയായതായി വികാരി ഫാ.ഷാജി മാത്യൂസ്,  സഹ വികാരി ഫാ. ലെനി ചാക്കോ ഇടവക ട്രസ്റ്റീ ജോണ്‍സണ്‍ ഡി.വൈ, സെക്രട്ടറി ബാബുജി ജോര്‍ജ് എന്നിവര്‍ അറിയിച്ചു. കൂടുതല്‍  വിവരങ്ങള്‍ക്ക് 04  337 11 22 എന്ന നമ്പരില്‍ ബന്ധപ്പെടുക.