ദുബൈയും  അബൂദബിയും  ചെലവേറിയ നഗരങ്ങള്‍

ദുബൈ: ദുബൈയും അബൂദബിയും മിഡിലീസ്റ്റിലെ ജീവിത ചെലവേറിയ നഗരങ്ങളെന്ന് സര്‍വേ ഫലം. മെര്‍സര്‍ എന്ന ഏജന്‍സി നടത്തിയ 2016ലെ കോസ്റ്റ് ഓഫ് ലിവിങ് സര്‍വേയിലാണ് ഇക്കാര്യം വ്യക്തമായത്. 
ലോകതലത്തിലെ ചെലവേറിയ നഗരങ്ങളുടെ പട്ടികയില്‍ ദുബൈ 21ാം സ്ഥാനത്താണ്. കഴിഞ്ഞവര്‍ഷം 23ാം സ്ഥാനത്തായിരുന്നു. അബൂദബി 33ാം സ്ഥാനത്തുനിന്ന് 25ലേക്ക് ഉയര്‍ന്നു.  ഡോളറിനെ അപേക്ഷിച്ച് ഗള്‍ഫ് കറന്‍സികളുടെ മൂല്യം കുറഞ്ഞതാണ് മിക്ക ഗള്‍ഫ് നഗരങ്ങളുടെയും സ്ഥാനം പട്ടികയില്‍ ഉയരാന്‍ കാരണം. 
റിയാദ് കഴിഞ്ഞവര്‍ഷത്തെ 71ല്‍ നിന്ന് 57ാം സ്ഥാനത്തത്തെി. മനാമ 91ല്‍ നിന്ന് 71ാം സ്ഥാനത്തേക്കും ദോഹ 99ല്‍ നിന്ന് 76ാം സ്ഥാനത്തേക്കും മസ്കത്ത് 117ല്‍ നിന്ന് 94ാം സ്ഥാനത്തേക്കും കുവൈത്ത് സിറ്റി 117ല്‍ നിന്ന് 103ാം സ്ഥാനത്തേക്കും ജിദ്ദ 151ല്‍ നിന്ന് 121ാം സ്ഥാനത്തേക്കും ഉയര്‍ന്നു.