റാസല്‍ഖൈമയില്‍ വാഹനാപകടം: ദമ്പതികള്‍ മരിച്ചു

റാസല്‍ഖൈമ: റാസല്‍ഖൈമയിലുണ്ടായ കാറപകടത്തില്‍ സ്വദേശിയും ദക്ഷിണേഷ്യക്കാരിയായ ഭാര്യയും മരിച്ചു. ബുധനാഴ്ച രാവിലെ 11 മണിയോടെയാണ് അപകടമുണ്ടായത്. മറ്റ് വാഹനങ്ങള്‍ വരുന്നുണ്ടോയെന്ന് ശ്രദ്ധിക്കാതെ ഹൈവേയിലേക്ക് കാറോടിച്ചുകയറ്റിയതാണ് അപകടത്തിന് കാരണമായതെന്ന് ദിഗ്ദഗ പൊലീസ് സ്റ്റേഷന്‍ ട്രാഫിക് വിഭാഗം ഡയറക്ടര്‍ ഫസ്റ്റ് ലഫ്റ്റനന്‍റ് ഇബ്രാഹിം സൈഫ് അല്‍ മസ്റൂഇ പറഞ്ഞു. ഗുരുതരമായി പരിക്കേറ്റ 63കാരനും ഭാര്യയും തല്‍ക്ഷണം മരിച്ചു. മൃതദേഹം നടപടിക്രമങ്ങള്‍ക്ക് ശേഷം ബന്ധുക്കള്‍ക്ക് കൈമാറി. ഹൈവേകളിലേക്ക് വാഹനവുമായി കയറുമ്പോള്‍ ശ്രദ്ധ പുലര്‍ത്തണമെന്ന് പൊലീസ് ആവശ്യപ്പെട്ടു.