ഇഫ്താര്‍ വിഭവങ്ങളുമായി  ഷാര്‍ജ പൊലീസ്

ഷാര്‍ജ: വഴിയാത്രക്കാര്‍ക്ക് ഇഫ്താര്‍ വിഭവങ്ങളുമായി ഷാര്‍ജ പൊലീസ് രംഗത്തത്തെി. ഷാര്‍ജ ചാരിറ്റിയുമായി സഹകരിച്ചാണ് പൊലീസ് യാത്രക്കാര്‍ക്ക് ഇഫ്താര്‍ വിഭവങ്ങള്‍ നല്‍കുന്നത്. ഷാര്‍ജയിലെ പ്രധാന, ഉള്‍നാടന്‍ റോഡുകളില്‍ പൊലീസ് നോമ്പ് തുറക്കുള്ള സാധനങ്ങളുമായി കാത്ത് നില്‍ക്കുന്നുണ്ട്. പൊലീസിനെ സഹായിക്കാന്‍ ചാരിറ്റി പ്രവര്‍ത്തകരുമുണ്ട്. 
നോമ്പ് തുറ നേരത്തുള്ള പരക്കം പാച്ചില്‍ ഒഴിവാക്കണമെന്ന് പൊലീസ് പറഞ്ഞു. നിരവധി അപകടങ്ങളാണ് ഈ സമയത്ത് നടക്കുന്നത്. ഇത് കണക്കിലെടുത്താണ് റോഡുകളില്‍ പൊലീസ് ഇഫ്താര്‍ വിഭവങ്ങള്‍ വിതരണം നടത്തുന്നത്.