മലയാളി നഴ്സിന് അജ്മാന്‍ പൊലീസിന്‍െറ ആദരം

അജ്മാന്‍: 40 വര്‍ഷമായി അജ്മാനില്‍ സേവനമനുഷ്ഠിക്കുന്ന മലയാളി നഴ്സിന് അജ്മാന്‍ പൊലീസിന്‍െറ ആദരം. ശൈഖ് ഖലീഫ ആശുപത്രിയിലെ നഴ്സ് മേഴ്സി ചാണ്ടിയാണ് ലോക നഴ്സസ് ദിനത്തില്‍ ആദരം ഏറ്റുവാങ്ങിയത്. 1976ല്‍ പിതാവാണ് നഴ്സിങ് പഠനത്തിന് ശേഷം മേഴ്സിയെ അബൂദബിയില്‍ കൊണ്ടുവന്നത്. അജ്മാന്‍ മെഡിക്കല്‍ ഡിസ്ട്രിക്റ്റില്‍ നഴ്സായി ആദ്യ നിയമനം ലഭിച്ചു. പിന്നീട് അല്‍ സഹ്റ ആശുപത്രിയിലേക്കും തുടര്‍ന്ന് ശൈഖ് ഖലീഫ ആശുപത്രിയിലേക്കും മാറി. മകള്‍ ബെസി എമിറേറ്റ്സ് എയര്‍ലൈന്‍സില്‍ ജോലി ചെയ്യുന്നു. മറ്റൊരു മകള്‍ ബെറ്റി നാട്ടില്‍ ഡോക്ടറാണ്. മകന്‍ ബിജോയ് ആസ്ത്രേലിയയില്‍ എന്‍ജിനിയറിങ് പൂര്‍ത്തിയാക്കി. അടുത്തവര്‍ഷം വിരമിക്കാനിരിക്കുന്ന 63കാരിയായ മേഴ്സി അപ്രതീക്ഷിതമായി ലഭിച്ച ആദരവിന്‍െറ അമ്പരപ്പിലാണ്.