റാസല്‍ഖൈമയില്‍ വാഹനാപകടം:  ഒമ്പതുപേര്‍ക്ക് പരിക്ക്

റാസല്‍ഖൈമ: റാസല്‍ഖൈമയില്‍ രണ്ട് കാറുകള്‍ കൂട്ടിയിടിച്ച് രണ്ടുമാസം പ്രായമായ കുട്ടിയടക്കം ഒമ്പതുപേര്‍ക്ക് ഗുരുതരമായി പരിക്കേറ്റു. 
വ്യാഴാഴ്ച രാവിലെ മാര്‍ട്ടിയേഴ്സ് റോഡിലായിരുന്നു അപകടം. രണ്ടുകാറുകളും പൂര്‍ണമായും തകര്‍ന്നു. 
സ്വദേശി വനിത ഓടിച്ച കാര്‍ മറ്റൊരു വാഹനത്തെ മറികടക്കാന്‍ ശ്രമിക്കുമ്പോള്‍ യൂറോപ്പ് സ്വദേശി ഓടിച്ച കാറുമായി മുഖാമുഖം കൂട്ടിയിടിക്കുകയായിരുന്നുവെന്ന് പൊലീസ് പറഞ്ഞു. 
സ്വദേശി വനിതയുടെ രണ്ടുമാസം പ്രായമുള്ള കുട്ടിയും മറ്റ് ആറുപേരും വാഹനത്തിലുണ്ടായിരുന്നു. എല്ലാവരുടെയും പരിക്ക് ഗുരുതരമാണ്. ഉടന്‍ സ്ഥലത്തത്തെിയ പൊലീസും പാരാമെഡിക്കല്‍ വിഭാഗവും ഇവരെ പ്രാഥമിക ചികിത്സക്ക് ശേഷം ആശുപത്രിയിലേക്ക് മാറ്റി.