ശൈഖ് ഖലീഫ ഹൈവേയില്‍ അപകടം: സ്വദേശിനി മരിച്ചു

അബൂദബി: തിങ്കളാഴ്ച ഉച്ചക്ക് ശേഷം ശൈഖ് ഖലീഫ ഹൈവേയിലുണ്ടായ വാഹനാപകടത്തില്‍ പരിക്കേറ്റ് ആശുപത്രിയില്‍ പ്രവേശിപ്പിച്ച സ്വദേശി സ്ത്രീ മരിച്ചു. ഈ സ്ത്രീ ഓടിച്ച വാഹനം അഡ്നോക് ഇന്ധന സ്റ്റേഷന് സമീപത്തുവെച്ച് ലോറിയില്‍ ഇടിച്ചുകയറുകയായിരുന്നു. ഇടിയെ തുടര്‍ന്ന് ഇരു വാഹനങ്ങള്‍ക്കും തീപിടിച്ചതായി പൊലീസ് പറഞ്ഞു.
വാഹനമോടിക്കുന്നവര്‍ ഗതാഗത നിയമങ്ങളും വേഗപരിധിയും പാലിക്കണമെന്നും വാഹനങ്ങള്‍ക്കിടയില്‍ ആവശ്യത്തിന് അകലം സൂക്ഷിക്കണമെന്നും അബൂദബി പൊലീസ് ഡ്രൈവര്‍മാരോട് ആഹ്വാനം ചെയ്തു.