അബൂദബിയില്‍ വിതരണം ചെയ്യുന്നത് ഗുണമേന്മ കൂടിയ വെള്ളം

അബൂദബി: അബൂദബി എമിറേറ്റില്‍ പൈപ്പുകളിലൂടെ വിതരണം ചെയ്യുന്ന വെള്ളം ഉന്നത നിലവാരമുള്ളതെന്ന് അബൂദബി വിതരണ കമ്പനി അറിയിച്ചു. 
96 ശതമാനം ഗുണമേന്മയാണ് വെള്ളത്തിന് കണക്കാക്കുന്നത്. ലോകാടിസ്ഥാനത്തില്‍ തന്നെ ഉയര്‍ന്ന ഗുണമേന്മാ നിരക്കാണിത്. 
2023ഓടെ എമിറ്റേറ്റിന് ആവശ്യമായ വെള്ളം പ്രതിദിനം 962 ദശലക്ഷം ഗാലന്‍ ആയി ഉയരുമെന്ന് അബൂദബി ജല-വൈദ്യുതി അതോറിറ്റി (അദ്വിയ) അറിയിച്ചു. അല്‍ ബതീന്‍ മജ്ലിസില്‍ നടന്ന സെമിനാറിലാണ് ഇക്കാര്യം വ്യക്തമാക്കിയത്. 
ഇക്കാലയളവില്‍ ആവശ്യമായ വൈദ്യുതിയുടെ അളവ് ദിവസേന 19630 മെഗാവാട്ട് ആകുമെന്നും അദ്വിയ അറിയിച്ചു. 
നിലവില്‍ എമിറേറ്റിലെ വൈദ്യുതി ഉല്‍പാദന സ്റ്റേഷനുകളുടെ ശേഷി മണിക്കൂറില്‍ 6000 മെഗാവാട്ട് ആയിട്ടുണ്ടെന്നും അവര്‍ പറഞ്ഞു.