പ്രമുഖ ഗൈനക്കോളജിസ്റ്റ് ഡോ. സൗദാബീവി നിര്യാതയായി

അബൂദബി: കേരളത്തിലെ പഴയതലമുറയിലെ പ്രമുഖ ഗൈനക്കോളജിസ്റ്റ് ഡോ. സൗദാ ബീവി അബൂദബിയില്‍ നിര്യാതയായി. ഒന്നര പതിറ്റാണ്ടോളമായി അബൂദബിയില്‍ മക്കളോടൊപ്പം താമസിച്ചുവരികയായിരുന്ന ഡോ. സൗദാ ബീവി ചൊവ്വാഴ്ച പുലര്‍ച്ചെയാണ് മരിച്ചത്. 84 വയസ്സായിരുന്നു. കേരളത്തിലെ ആദ്യ മുസ്ലിം ഗൈനക്കോളജിസ്റ്റായ ഇവര്‍ കോഴിക്കോട്ടുകാര്‍ക്കും മലബാറുകാര്‍ക്കുമിടയില്‍ ഏറെ പ്രശസ്തയായിരുന്നു . കോഴിക്കോട് മെഡിക്കല്‍ കോളജിലാണ് പ്രവര്‍ത്തിച്ചിരുന്നത്. കൊല്ലം സ്വദേശിനിയായ സൗദാ ബീവി കോഴിക്കോട്ട് സ്ഥിര താമസമാക്കുകയായിരുന്നു. 
കോഴിക്കോട് മെഡിക്കല്‍ കോളജിലെ പ്രഫസറായിരുന്ന പരേതനായ ഡോ. മൊയ്തീന്‍ കുട്ടിയുടെ ഭാര്യയാണ്. ഡോ. മൊയ്തീന്‍ കുട്ടി രണ്ട് വര്‍ഷം മുമ്പ് ദുബൈയില്‍ വെച്ചാണ് മരണപ്പെട്ടത്. മക്കള്‍: ഡോ. സലീന (ഗൈനക്കോളജിസ്റ്റ്, യൂനിവേഴ്സല്‍ ആശുപത്രി അബൂദബി), അഫ്സല്‍ മൊയ്തീന്‍കുട്ടി (അബൂദബി), അസീം മൊയ്തീന്‍കുട്ടി (ദുബൈ). സഹോദരങ്ങള്‍: ഷാഹുല്‍ ഹമീദ് (മുന്‍ ജില്ലാ കലക്ടര്‍, പാലക്കാട്), റിട്ട. കേണല്‍ അബ്ദുല്‍ റഹീം. സഹോദരങ്ങള്‍: പരേതനായ അബ്ദുല്‍ മജീദ്, അബ്ദുല്‍ റഹീം, ഷാഹുല്‍ ഹമീദ്, അബ്ദുല്‍ അസീസ്, പരേതനായ ഡോ. താജുദ്ദീന്‍, പരേതനായ ഷരീഫ്, ഇ.എം. അഷ്റഫ്.