ഷാര്‍ജയില്‍ വാഹനാപകടത്തില്‍ മലയാളി ബാലന്‍ മരിച്ചു; കുടംബത്തിലെ ഏഴുപേര്‍ക്ക് പരിക്ക്

ഷാര്‍ജ: ഷാര്‍ജ-ദൈദ് റോഡില്‍ ഞായറാഴ്ച്ച നടന്ന വാഹനാപകടത്തില്‍ നാല് വയസുള്ള മലയാളി ബാലന്‍ മരിച്ചു. കൂടെയുണ്ടായിരുന്ന ഏഴ് പേര്‍ക്ക് പരിക്കേറ്റു. ഇവരില്‍ ചിലരുടെ പരിക്ക് ഗുരുതരമാണെന്നാണ് അറിയുന്നത്. അബൂദബിയില്‍ നിന്നുള്ള മലപ്പുറം കോട്ടക്കല്‍ സ്വദേശികളാണ് അപകടത്തില്‍പെട്ടത്. മറ്റു വിവരങ്ങള്‍ അറിവായിട്ടില്ല. ഷാര്‍ജ-ദൈദ് റോഡിലെ പത്താം നമ്പര്‍ പാലത്തിന് സമീപത്ത് ഞായറാഴ്ച്ച ഉച്ചക്ക് ശേഷമായിരുന്നു അപകടം.  അമിത വേഗതയില്‍ വന്ന വാഹനം മലക്കം മറിഞ്ഞായിരുന്നു അപകടമെന്ന് പൊലീസ് പറഞ്ഞു. ശക്തമായ മഴയെ തുടര്‍ന്ന് റോഡില്‍ വഴുതലുണ്ടായിരുന്നു. ഇതും വാഹനത്തിന്‍െറ അമിത വേഗതയുമാണ് വില്ലനായത്. പരിക്കേറ്റവര്‍ അല്‍ ഖാസിമി ആശുപത്രിയില്‍ ചികിത്സയിലാണ്.