സൗദിക്കെതിരായ ഇടപെടല്‍: ഇറാന്‍  അംബാസഡറെ യു.എ.ഇ പ്രതിഷേധം അറിയിച്ചു

അബൂദബി: സുഹൃദ് രാഷ്ട്രമായ സൗദി അറേബ്യയുടെ ആഭ്യന്തര കാര്യങ്ങളില്‍ ഇറാന്‍ ഇടപെടുന്നതില്‍ യു.എ.ഇ ശക്തമായി പ്രതിഷേധിച്ചു. തെഹ്റാനിലെയും മശ്ഹാദിലെയും സൗദി േഅറേബ്യന്‍ നയതന്ത്ര കാര്യാലയങ്ങള്‍ക്ക് നേരെയുള്ള ആക്രമണത്തിലും പ്രതിഷേധിച്ചു. 
ഇറാന്‍ നടപടിയില്‍ പ്രതിഷേധിച്ച് യു.എ.ഇയിലെ ഇറാന്‍ അംബാസഡറെ വിദേശകാര്യ മന്ത്രാലയം വിളിച്ചുവരുത്തി രേഖാമൂലമുള്ള പ്രതിഷേധ കുറിപ്പ് കൈമാറുകയും ചെയ്തു. ഇറാനിന്‍െറ നടപടികളും നയതന്ത്ര കാര്യാലയങ്ങള്‍ക്കെതിരായ ആക്രമണവും അന്താരാഷ്ട്ര കരാറുകള്‍ക്ക് എതിരാണെന്ന് യു.എ.ഇ വിദേശകാര്യ മന്ത്രാലയം വ്യക്തമാക്കി. ഭീകരതക്കെതിരെ സൗദി അറേബ്യ സ്വീകരിക്കുന്ന നടപടികളെ ശക്തമായി പിന്തുണക്കുമെന്ന് യു.എ.ഇ വിദേശകാര്യ മന്ത്രി ശൈഖ് അബ്ദുല്ല ബിന്‍ സായിദ് ആല്‍ നഹ്യാന്‍ കഴിഞ്ഞ ദിവസം വ്യക്തമാക്കിയിരുന്നു.