ക്രിസ് അയ്യരുടെ  ഗസല്‍ രാവ് ഇന്ന്

ദുബൈ: ഗ്ളോബല്‍ വില്ളേജിലെ ഇന്ത്യാ പവലിയനില്‍ വ്യാഴാഴ്ച ഗസല്‍ രാവ്. ശബ്ദ മികവിലൂടെ റേഡിയോ ശ്രോതാക്കളുടെ ഇഷ്ടഭാജനമായ ക്രിസ് അയ്യരാണ് പ്രമുഖരുടെ ഗസല്‍ ആലപിക്കുന്നത്. റൂമി മുതല്‍ റശീദ് വരെയും ഗാലിബ് മുതല്‍ സാഖിബ് വരെയുമുള്ള വിഖ്യാത ഗസല്‍ പ്രതിഭകളുടെ മനസ്സിലൂടെയുടെയും മാന്ത്രിക വരികളിലൂടെയും സഞ്ചരിച്ച് ആദരവ് അര്‍പ്പിക്കുന്ന പരിപാടിയായിരിക്കുമിതെന്ന് സംഘാടകര്‍ പറഞ്ഞു. പരിശീലനം ലഭിച്ച ഗായകനൊന്നുമല്ല താനെങ്കിലും ഗസല്‍ എന്നും തന്‍െറ ഹൃദയത്തോട് ചേര്‍ന്നുതന്നെ ഉണ്ടായിരുന്നെന്ന് ക്രിസ് അയ്യര്‍ പറഞ്ഞു. രണ്ടു ദശകത്തോളമായി പാടിയിട്ട്. കുടെ സുഹൃത്തുക്കളായ സുനില്‍ ഗോവിന്ദനും സാം തോമസുമുണ്ടാകും. ഇന്ന് രാത്രി 8.30നാണ് പരിപാടി.