തിരൂര്‍ സ്വദേശി സഹോദരിയുടെ കണ്‍മുമ്പില്‍ കാറിടിച്ച് മരിച്ചു

ഷാര്‍ജ: കാലിന് വൈകല്യുമള്ള മലയാളി യുവാവ് റോഡ് മുറിച്ചുകടക്കുന്നതിനിടയില്‍ ഷാര്‍ജയില്‍ കാറിടിച്ച് മരിച്ചു. തിരൂര്‍ പൊന്‍മുണ്ടം സ്വദേശി പരേതനായ നെടുവന്‍ചേരി കമ്മദിന്‍െറ മകന്‍ സെയ്തുമുഹമ്മദ് (26) ആണ് മരിച്ചത്. റാസല്‍ഖൈമയിലെ ജെ.ബി.എഫ് കമ്പനിയിലെ ജീവനക്കാരനായ സെയ്തുമുഹമ്മദ് സന്ദര്‍ശകവിസയില്‍ ഷാര്‍ജയിലത്തെിയ സഹോദരിയെ കാണാന്‍ വരുമ്പോള്‍ സഫീര്‍ മാളിന് സമീപമായിരുന്നു അപകടം. സഹോദരി ജസീനയും ഭര്‍ത്താവും റോഡിന്‍െറ മറുവശത്ത് കാത്തുനില്‍ക്കുമ്പോഴായിരുന്നു അപകടം.  മാതാവ്: സുലൈഖ. മുജീബ, ഹസീന, റസിയമോള്‍ എന്നീ സഹോദരിമാരുമുണ്ട്. അവിവാഹിതനാണ്. രണ്ടു വര്‍ഷത്തോളമായി യു.എ.ഇയില്‍ എത്തിയിട്ട്. മൂന്ന് മാസം മുമ്പാണ് അവധി കഴിഞ്ഞ് നാട്ടില്‍ നിന്ന് വന്നത്. മൃതദേഹം ഞായറാഴ്ച നാട്ടിലേക്ക് കൊണ്ടുപോകുമെന്ന് ബന്ധു അബ്ദുന്നാസര്‍ വളപ്പില്‍ പറഞ്ഞു.