ഫേസ് ഫെസ്റ്റ്  സംഘടിപ്പിച്ചു

അല്‍ഐന്‍: യു.എ.ഇയില്‍ താമസിക്കുന്ന വളാഞ്ചേരിക്കാരുടെ കൂട്ടായ്മയായ ഫേസ് വളാഞ്ചേരി ഫേസ് ഫെസ്റ്റ് സംഘടിപ്പിച്ചു. യു.എ.ഇയുടെ വിവിധ ഭാഗങ്ങളില്‍ നിന്നുള്ള കുടുംബങ്ങള്‍ സംഗമത്തില്‍ പങ്കെടുത്തു. അല്‍ഐന്‍ ഇന്ത്യ സോഷ്യല്‍ ആന്‍ഡ് കള്‍ച്ചറല്‍ സെന്‍ററില്‍ (ഐ.എസ്.സി) ചേര്‍ന്ന സംഗമം ഐ.എസ്.സി വൈസ് പ്രസിഡന്‍റ് ശശി സ്റ്റീഫന്‍ ഉദ്ഘാടനം ചെയ്തു, ഫേസ് വളാഞ്ചേരി പ്രസിഡന്‍റ് മുഹമ്മദ് അലി അധ്യക്ഷത വഹിച്ചു, റഷീദ് കാട്ടിപ്പരുത്തി, അഷറഫ് വെള്ളയെങ്ങല്‍, കെ.പി. സലാം, മുനവ്വര്‍ വളാഞ്ചേരി, എന്‍. സൈനുദ്ദീന്‍, കെ.വി. കുഞ്ഞിമുഹമ്മദ്, ഖലീല്‍ റഹ്മാന്‍ എന്നിവര്‍ സംസാരിച്ചു. നൗഷാദ് വളാഞ്ചേരി സ്വാഗതവും ഹബീബ് പാലാറ നന്ദിയും പറഞ്ഞു.