സ്വീകരണവും യാത്രയയപ്പും 

അജ്മാന്‍: ഇന്ത്യന്‍ സോഷ്യല്‍ സെന്‍ററിന്‍െറ ആഭിമുഖ്യത്തില്‍ നോര്‍ക്ക  പ്രവര്‍ത്തക സമിതിയിലേക്ക് തെരഞ്ഞെടുക്കപ്പെട്ട കൊച്ചുകൃഷ്ണനു സ്വീകരണവും, നീണ്ടകാലത്തെ പ്രവാസ ജീവിതം അവസാനിപ്പിച്ചു നാട്ടിലേക്ക് മടങ്ങുന്ന എഴുത്തുകാരന്‍ ലത്തീഫ് മമ്മിയൂര്‍, അജ്മാന്‍ ഖലീഫ ഹോസ്പിറ്റലില്‍ നിന്ന് വിരമിച്ച രാമഭദ്രന്‍ എന്നിവര്‍ക്ക് യാത്രയയപ്പും സംഘടിപ്പിച്ചു. അജ്മാനിലെ റസ്റ്റോറന്‍റില്‍  പ്രസിഡന്‍റ് ജാസിം മുഹമ്മദ് അധ്യക്ഷത വഹിച്ച ചടങ്ങ് ഷാര്‍ജ ഇന്ത്യന്‍ അസ്സോസിയേഷന്‍ പ്രസിഡന്‍റ് അഡ്വ. വൈ എ റഹീം ഉദ്ഘാടനം ചെയ്തു. പ്രശസ്ത സിനിമാ സംവിധായകന്‍ പ്രിയനന്ദനന്‍ മുഖ്യാതിഥിയായിരുന്നു. ഷാര്‍ജ ഇന്ത്യന്‍ അസ്സോസിയേഷന്‍ തെരഞ്ഞെടുപ്പില്‍ മാനേജിങ് കമ്മിറ്റിയിലേക്ക് തെരഞ്ഞെടുക്കപ്പെട്ട ഐ.എസ്.സി അജ്മാന്‍ അംഗങ്ങളായ ബിജു സോമന്‍, സന്തോഷ്, അനില്‍ വാര്യര്‍, ഉണ്ണികൃഷ്ണന്‍,ശ്രീപ്രകാശ് എന്നിവരെ അനുമോദിച്ചു. ഐ എസ്സ് സി ജനറല്‍ സെക്രട്ടറിഷിഹാബ് മലബാര്‍ സ്വാഗതവുംട്രഷറര്‍ ശ്രീ ഗിരീശന്‍ നന്ദിയും പറഞ്ഞു.